July 3 kha record china khawlum ber ni

Khawvel average temperature chuan Thawh\anni 3 July khan a san ber \um thlengin a \um khat nan 17 degree Celcius a kai.
US researchers te chuan he record thar hi kum zabi 19-na tawp lam a\anga instrumental record awm chin ata a san ber \um a ni an ti a.
Scientists te chuan natural weather event El Nino tia hriat lar leh mihringte chetna vanga carbon dioxide emission pek chhuahin a thlen tiin an sawi a.
Thla kalta June thla kha khawvela chhinchhiah china thla lum ber a ni tawh bawk.
US National Centers for Environmental Prediction a scientists te chuan 3 July khan world’s average temperature chuan 17.010C a kai a, a hma record awm August 2016 a 16.920C chu a khuam tiin an sawi a.
Kumin kumtir phat a\angin researchers te chuan lei leh tuipui lamah temperature-in san lam a pan thu an lo sawi lawk tawh a.
Spain-ah \hal lum ber thlengin chu chu Asia ram tam takah a thleng zui bawk a, marine heatwaves nasa tak pawh thlengin chutiang ang thlen ngailohna North Sea thlengin a thleng a ni.
Tun karah pawh China chuan heatwave hmachhawn mekin hmun \henkhatah phei chuan temperature in 350C te kaiin southern US-ah pawh khawlum a nasa hle bawk.
Thawh\annia khawlum ber kha kum 1979-a satellite monitoring records awm china a lum ber a ni a. Mithiamte chuan kum zabi 19 tawp lam a\anga instrumental record awm china a lum ber \um an ti.
El Nino Southern Oscillation or ENSO hi \huang thum : Lum, vawt leh neutral anga kal a ni a. Kan chenna leia climate system khawih danglam thei turu ber a ni.
“Average global surface air temperature chuan chhinchhiahna kan neih chinah a \umkhat nan 170C kaiin hei hi khawvel lum zela chhinchhiahtlak a ni,” tiin climate researcher Leon Simons chuan a sawi a.
“Tunah chuan El Nino lum a in\an tawh avangin ni tin, thla tin leh kum tinin tun a\anga kum 1.5 chhungin record khum kan tawng chho tawh ang,” tiin a sawi bawk.
Thawh\annia record temperature thlen hma khan June thla chu global record-ah June thla lum ber tih a ni tawh bawk a. June thla chhung khan khawvel average temperature chu 1.460C niin kum 1850 leh 1900 average aiin a sang zawk a ni.
UK bikah pawh June thla kha June thla lum ber niin temperature sang chu khawvela hmun extreme ber berah pawh hriat a ni a. Antartica ah pawh July thla lum ber thleng der tawhin Ukraine rama Vernadsky Research base-ah temperature-in 8.70C a hawlh a ni.
Scientists te chuan EL Nino in chak lam a pan zel avangin record hi khumin a awm chho nual dawn turah an ngai a. “July thla hi record awm china a lum ber a nih theihna a sang a, chhinchhiah china thla lum ber a nih theihna a sang hle a ni” tiin Karsten Haustein, University of Leipzig chuan a sawi a.
“Southern Hemisphere temperature chu a tlahniam hret ang a, mahse, July leh August hian EL Nino vanglai a nih dawn bawk si avangin ni lum ber ber kan tawn hmel,” tiin a sawi bawk.