Jung Kook-a’n Spotify record a siam

BTS member Jung Kook hla hit ‘Seven’ featuring Latto chuan October ni 30 khan Spotify record a siam thu an puang a, Spotify history-a hla vawi tluklehdingawn stream kai rang thei ber a ni.
He hla hi an tlangzarh atanga ni 108 chhungin Spotify Billion club-ah a inhlangkai hman a, Spotify record a siam ta a ni. He hla hian record dang pawh a lo siam nual tawh a, July thla khan Official UK Singles Chart-ah No.3 a kai a, Jung Kook chu Korean act zinga he chart-a solo a thleng sang thei ber a ni a, Billboard Global 200 chart-ah pawh No.1 kaiin, BTS member zinga he chart-a solo anga No.1 kai thei hla nei thei hmasa ber a ni bawk.