BTS member Jung Kook cuan 2023-a a debut solo album ‘Golden’ a tlangzarh hnua a solo music hmasa ber ‘Never Let Go’ chu nimin khan a tichhuak ve leh ta. HYBE-in an tarlan danin he hla thar hi BTS fans, ARMY puala a tih niin, fan-te chu tumah inthlahthlam lo tura a fuihna a ni.
Jung Kook hian 2023 khan record a siam nual a, Latto nena an thawh dunna ‘Seven’ hla chu UK Singles Chart-ah No.3 kaiin, Korean solo act zinga he chart-a thleng sang thei ber a la ni a, he hla vek hi Billboard Global 200-ah No.1 kaiin, BTS member zingah soloist anga he chart-a No.1 ni thei hmasa ber a ni. He hla hian Spotify record pawh siamin, he streaming site history-a hla vawi tluklehdingawn stream hlawh rang thei ber record a siam bawk.
Jung Kook leh BTS member dang Jin, RM, SUGA, J-Hope, Jimin leh V te chu South Korean sipai-ah an tang mek a, band anga member kima an chet chhuah leh theih hun tur chu 2025 a ni ang. South Korea-ah hian mipa pangngai te chu kum 28 an tlin hma ngeiin sipai-ah thla 18 tal an tan ngei ngei a ngai thin a ni.
Jung Kook ‘Never Let Go’
Get real time updates directly on you device, subscribe now.
Prev Post