Jung Kook ‘Still With You’ & ‘My You’ stream; a hla thar tur ‘Seven’
ARMY thenkhat tana duhthusam a thleng ta, BTS member Jung Kook chuan a hla fan favorite chu a vawi khat nan streaming service atan a upload ta. A hla 2022-a a tlangzarh ‘Still With You’ leh 2020 a mi tawh ‘My You’ te chu SoundCloud leh YouTube-ah chauh a awm thin a, mahse, tunah chuan Apple Music, Spotify leh streaming site hrang hrangah a dah chhuak ta a ni.
Heng hla pahnihte hi a tirah chuan an group annual Festa lawmna anga tihchhuah a ni a, tunlaiin an group-in chawlh an la a, solo project lamah an kal darh rih a, a then sipai-ah an tang rih bawk. Hetiang karah hian Jung Kook hian a debut solo single ‘Seven’ chu July ni 14-ah a tichhuak dawn tih an puang tawh bawk.
A official single hmasa ber a ni nain, Jung Kook hi BTS pawn lamah a lo tlachhuak ve zeuh zeuh tawha, Qatari artist Fahad Al-Kubaisi nen 2022 FIFA World Cup soundtrack ‘Dreamers’ hla a lo nei tawh a, 7Fates: CHAKHO soundtrack ‘Stay Alive’ leh nikum nipui laia Charlie Puth nen’Left and Right’ an tichhuak tawh bawk.
BTS member thenkhat sipai tangin, group anga an thawm reh deuh mah se solo project hrang hrangah an hmanhlel hle a, singles leh album buaipuiin an vir kual zak zak a, an group dinchampha kum 10-na thla kalta khan lawmin, group anga an hla thar ‘Take Two’ an tichhuak bawk a ni.
Jung Kook ‘Still With You’ & ‘My You’ stream; a hla thar tur ‘Seven’
Get real time updates directly on you device, subscribe now.
Prev Post