Jungkook ‘Standing Next to You’-in Asian record a siam

Jungkook ‘Standing Next to You’-in Asian record a siam
September ni 23, Thawhtanni kalta khan BTS member Jungkook hla ‘Standing Next to You’ chuan Spotify-ah vawi maktaduai 900 stream a pel ta a, Asian leh Kpop soloist zingah Spotify-ah vawi maktaduai 900 chin stream kai thei hla ngah ber niin, hetiang kai thei hla pathum a nei tling ta a, a hla dang ‘Seven’ leh ‘L&R’ ten hetiang zat stream hi an lo kai taw bawk a ni.
Jungkook hla ‘Seven’ featuring Latto hian September ni 16 khan Spotify-ah stream vawi tluklehdingawn 1.9 a kai thei a, Asian act zingah hetiang zat stream kai rang thei ber niin, khawvel huap pawhin a palina a ni pha a, khatih lai kha chuan Asian soloist zinga hetiang zat stream kai thei hla nei thei awm chhun a ni nghe nghe.
Jungkook sawi takah chuan a documentary ‘I Am Still’ pawh cinema hall-ah khawvel huapin September ni 18 atang khan an chhuah tan ta e.
Jungkook hi South Korean military-ah tla 18 chhung sipai nunchan zir turin December ni 12, 2023 khan a inziak lut a, June 2025-ah sipai atanga chhuakin, entertainment khawvelah a duhthalin a tal leh thei tawh dawn a ni.