K. MALSAWMA – CHALKHAW MAWITU AWM TA LO E (Nghilh har kan la ti ang)

F. Lalremsiama
Chaltlang
8415994340

l Thupui dah thiam a harsa, sawi dan thiam hlei hlei a harsa zual. A chhip atangin i chhukpui mai ang.
l A ropuiin a chhuanawm: Pian leh murnaah, thian nihnaah leh a hnathawhah, khawtlang leh ram leh hnam thilah, kum lama Upa MUP leh Kohhranah, sawisen a ni lo. Sawi uar lutuk a awm lo ang!
l A thlah liam zanah khan MCS Batch hmasa ber a luh rualpui, amah anga mi tha puitling Pu H. Liansailova, IAS(Retd) nen kan inbia a, sawi tur kan van ngah dun teh reng em! Durtlang Damdawi-inah(ICU) be thei loin a han kan hman. A chenna in Chaltlangah Tlaivarpui zan khan a rawn thutpui bawk. Delhi-ah an Training lai, Indian Institute Of Public Administration (IIPA) Hostel atanga an inkawp dun dan chuan anni thiandun mizia leh nunkawng a hril thui vawng vawng hle mai. Puja chawl hawng ve thei lo thingpui in khilai-Daryaganj Doctor title nei sei an rawn danzia chu le. Zunthlum enkawl dan ngei chu! Mi taima, nun uluk, invawng fel a nih hlen phah, tlang hriat thamin.
l “Chalkhawpui Mawitu” kan tihna chhan langsar ber pawh an Zingkar kal del del kawngpui dungah muang changa 4 te a aia tam chang pawh awm fo kha a ni. Vawi hnihkhat vel chauh kan ina thingpui inah ka sawm lut. Pu Lalthangfala leh Pu Vanlalduha Sailo Papui 2 te khan mual an liam hmasa tawh. An Member nghet Pu HD Pachhungan min la dampui. Hming kan lam pali(4) te hi, zaidam, kawmnuam, hlimthei, nelawm an ni vek. Inhnaih te tea cheng tho, keini Pu P.Rohmingthanga IAS(Retd) leh kei IPS(Retd) te hi an zingah kan tel phak lo!!
l Pu Fala leh Pu Sawma te hi MAL leh MUP Life Time President ni mai tur, Dan thar kum (Term) bituk-in a dang chat ta a ni. Anni pahnih bawk hi Central Sorkar Chawimawina lian Padma Sri(Pu Fala), Lifetime Achievement Award (Pu Sawma) dawngtu an ni. Kan khua chauh a ni lo, Mizo leh Mizoram an mawi!!
l Pu Lalthangfala Sailo, ka thian ropui leh chhuanawm tia chanchinbu-ah ziaka ka thlah hnuah Pu K.Malsawma ka thian mi ropui leh chhuanawm thlahna thu ka ziak leh thei hi-engtia lo awm nge? Amah ka thian a ni si! Champhai Veng sangah an in leh ka awmna In a inhnaih a. Vawmbal tuikhur kan chawi tlang thin. A kiang kumkhal(umkhal) hmin tlate kan chhar hoa kan eiho thin. Govt.Mizo High School Aizawl-ah kum 4 vel inpawl khat, Section khat-ah kan zir a, Matric kan pass ho. Upper Hostel, McDonald Hill-ah kum 3 kan awm ho bawk. Heta kan Pawlpui mi 6, nupui/Puzawn te Veng, Chaltlang-a inbengbel kan ni leh ta zel. Pu C.Rohluta, Pu K.Malsawma, Pu VL Rema, Pu P.Rohmingthanga, Pu Lalthangfala Sailo leh kei F. Lalremsiama. Kan pawlpui tluan, nupa nita Pu C. Dunglena leh Pi Thanchami te erawh anmahni thlan, Verdant Ridge of Laipuitlang (Chaltlang-ah tho) an rawn inbeng bel bawk. Boruak tha leh khawnuam kan luah ho. Kan Re-Union Thlengtu leh Huaihawttu ber te nen kan kim ta lo!!
l A hmawr bawk nan kohhrana a rawngbawlna kan sawi hmaih thei lo ang. A awmna apiangah Kohhran Banpui-ah a tang zel. |um 3 zet Kohhran Upa atan thlan a ni. Tleirawl hawklak laiin keini 2 Pastor fapa ve ve nunnawi kan intawm ve zeuh.
l Tichuan Rawngbawlna Ropui leh Hlawhtling a lantirna, Sorkar hna, a tuina ber Social Welfare Director-ah leh a Pension hnu thleng pawha a dampui Talent MUP-ah Upa Health Care huang-ah Civil Hospital-a Upate Private Ward 3 phuisui, Gereatric Ward tangkai em em hi ama hruaina zara lo awm, Sorkar thilphalna (Bounty) kan lo hmuh tak hi! A hlu zual leh langsar ber a ni awm e. A hming chawi hian engemaw Sorkarin siamsak a phu hle lo maw?
l Chu chu ka ngen ve leh tawp mai a ni e. Thuneitu ten engtin ngai ang maw??