Ka rimchhia engtia tih tur nge

Ka rimchhia engtia tih tur nge
Mouthwash leh spray te hman reng a tul chuan dik lo a awm tihna a ni. Ka/thawk rimchhia hi mouthwash leh spray hmanga tihreh hlen theih a ni lo a, mouthwash leh chewing gum thial reng a ngai ang a, chutiang a nih chuan kan ka rimchhiat chang a awm lo thei lo.
Ka ei leh in vang te pawhin mitin hian ka rimchhiat chang hi chu kan nei theuh awm e, mahse, chutiang changa mouthwash leh chewing gum hman leh ringawt thin chu a rehhlenna a ni tak tak lo. Dr Ara Cooper chuan kan nitin nunah oral hygiene a pawimawh a nii a sawi.
Dr Cooper chuan ha chauh nawt lovin lei (tongue) pawh tihfai tel tur niin a sawi a, “Kan ha nawhna chang chu kan hre deuh vek a, mahse, lei tihfaina chang erawh kan hre lo leh thin. I ka a rimchhe thin a nih chuan i lei tifai ve thin ang che. Kan leiah hian bacteria a lo awm khawm ve thei a, chu chuan rimna tak an siam thei,” a ti.
Tui in tam tur a ni. Dr Cooper chuan, “ka chhung a lo khawro chuan chil a lo tlem a, chil a tlem chuan chaw nawi leh bacteria te ka chhungah rei tak tak an cham bang thin a, chu chuan ka a tirimchhe thei a, chuvangin tui in tam tur a ni,” a ti.
Coffee, zu, meizuk leh kan damdei ei thenkhat te avangin kan ka a ro thei bawk a, chuvangin tui chu tum khatah in theuh ringawt lovin a khat mawi tawkin in deuh sek mai tur a ni.
Thil ei zawhah ha nawh ziah tur. Nikhatah vawi hnih ha i nawt a, tawk i tiviau mai thei, mahse, a tawk lo. Kan haah kan thil ei a bet a nih a, kan nawt fai si lo a nih chuan chu chuan bacteria a tipung a, ka a tirimchhe thei, chuvangin thil ei zawh apiangin ha nawh theih a tha hle a, chu chuan ka rimchhe tur a veng thei dawn a ni.
Heng zawng zawng hi i ti a, i zawm tha hle chung pawhin i ka/thawk a rimchhe tho a nih chuan dentist rawn ang che.