Kahchik hmanga bur ruak kapin record siam

Idaho pa, tum khata Guinness World Record title kawl tam ber nih tuma bei mek David Rush chuan record thar a siam leh ta a, tun tuma a record siam chu kahchik (water pistol) hmanga bur ruak (empty soda can) 10 kap tlu rang thei ber record a siam a ni ve thung.
David Rush hian Guinness World Record 300 chuang a siam tawh a, mahse, a record siam te hi midangin an khum a awm tawh a, chubakah ama record siam tawh hnu amah ngeiin a khum ve leh te a awm bawk a, tunah hian record title a 178 a kawl tling ta chiah a ni.
|um khata Guinness World Record title kawl hnem ber record chu 180 a ni a, Rush hian he record khuma, title 181 tum khata kawltu nih a tum mek a, a record siam khumtu an awm hmaa record dang pathum a siam leh thei a nih chuan record thar a siam dawn ta a ni.
Rush chuan, “Guinness lamin kahchik tê reuh tê chauh hman an phal a, bur ruak kah thluk a harsa duh khawp mai. Ka hmeh nat leh kah fuh a har ve telh telh bawk si a,” a ti.
Rush hian record siam pawh a harsat deuh talh a, record siam tura tum 10 a beihnaah, second 4.92 chhungin kahchikin bur ruak 10 a kaptlu hman a, a hmaa hetiang record, second 5.93 chu a khum ta a ni.