Prabhas, Amitabh Bachchan, Deepika Padukone leh Kamal Hassan te channa, Nag Ashwin direct ‘Kalki 2898AD’ chuan khawvel huapin cinema hall ticket hralhna atangin dollar maktaduai 100 chuang a la lut thei dawn niin an chhut a, hetiang zat sum la lut thei hi Indian film zingah pakua chiah a la awm a, ‘Kalki’ hian he mellung hi a thleng thei a nih chuan 10-na a ni ang.
Deadline-in a tarlan danin Kalki 2898 AD film hian khawvel huapin kar hnih chhungin cinema hall ticket hralhna atangin dollar maktaduai 95 a la lut tling tawh a, cinema hall-a an chhuah hun tur a tawp meuh chuan khawvel huapin dollar maktaduai 110 vel la lut thei turin an chhut a ni.
Kalki 2898 AD hian North America-ah ringawt pawh dollar maktaduai 16.5 a la lut thei a ni.
Kalki 2898 AD hian sum la lut tam viau mah se a film siamna atana an sen pawh a pui tham hle a, Indian production-ah hian film siam nana sum sen hnemna ber pawl a la ni a, an budget hi dollar maktaduai 72 vel niin an tarlang a, hei vang hian dollar maktaduai 110 vel tal a la lut pha lo a nih chuan a film chhunzawmna siam an tum pawh a nghawng phak a rinawm niin an tarlang bawk.
Kalki 2898 AD hian an beisei anga dollar maktaduai 110 a la lut tling thei a nih chuan Ranbir Kapoor channa ‘Animal’ lehpelin, Indian movie zinga sum lak luh tama pariatna a ni pha dawn a, dollar maktaduai 110 chu cheng vaibelchhe 918 vel a ni ang. Chutihrualin Shah Rukh Khan ‘Jawan,’ leh ‘Pathaan’ te chu a la pha dawn lo a, SS Rajamouli direct, film hit zet mai ‘RRR’ (cheng vaibelchhe 1,387) pawh a la pha dawn lo. Indian movie zinga sum la lut hnem ber chu Baahubali 2: The Conclusion kha niin, khawvel huapin cheng vaibelche 1,810.59 a la lut thei.
Kalki 2898 AD-in $100M kai thei dawn
Get real time updates directly on you device, subscribe now.
Next Post