Kamala Harris-in a dinna hmasa thlauhthla

US Vice-President Kamala Harris chuan presidential race a luhchilh hnua interview a neih hmasak berah issue pawimawh thenkhata a rilru a thlak chu thil tul a nih thu a sawi.
Democratic nominee chu eng vanga immigration leh climate chungchangah kum 2019 presidential race a a inhnamhnawih lai nena ngaihdan inang lo a neih dan zawh a ni a.
“Policy chungchang leh thutlukna ka siamah ka values te a inthlak danglam chuang hauh lo” tiin Kamala Harris chan CNN’s Dana Bash in a kawmnaaha a sawi.
Minnesota Governor leh a running mate ni bawk Tim Walz nena joint interview an neihnaah Kamala Harris chuan Trump a ‘inthenhranna lam’ a kalpui chu hnuchhawn an tum tiin a sawi bawk.
Kamala Harris interview chu a Republican opponent Donald Trump chuan ‘boring’ tiin a Truth Social-ah a sawi nghal a, Harris chu bum hmang tiin a sawi bawk.
Kamala Harris chuan America-a inflation leh cost-of-living sang zelin American te a nghawng nat chungchangah White House thutlukna chu a tan tlat bawk a.
Economic lama harsathna chinfel a nih theih nan a ruahmanna te kalpui a la ni lo tia sawiin mahse tichung chuan nasa taka thil tha an tihsa tawh thu leh tihtur tam tak erawh a la awm a ti bawk.
Poll hrang hrang lakah erawh economy chungchangah kher chuan Donald Trump chu American ten an ring zawk thung.
Liberal atanga moderate policy a awn zawk tak chungchangah Kamala Harris chuan climate change beihlet a nih theih nana ngaihdan a neihah a values te a bansan lo tiin a sawi a.
Shale rock atanga gas leh oil siakchhuahna technique fracking khap a hnawlna chungchangah US climate target chuan he mi tel lo hian target a pha dawn tho tiin a sawi a.
Chutih laiin Republican te chuan Harris chu extremist tia sawiin chumi an sawi theih nan chuan kum 2019-a statement a lo siam tawh te chu finfiahtu tiin an sawi a. Khatihlai khan Harris chuan immigration detention centre khar te leh illegal crossing decriminalisation te a lo aupui tawh a ni.
Tunah erawh border chungchangah ngaihdan na tak neiin California attorney general a nih lai pawhin transnational, criminal organisation te hremna na tak a pe thin a ti ta thung.
Kumin kumtir lamah pawh bipartisan border security bill, broder wall constrution atana dollar maktaduai tel senna tur chu a thlawp tawh bawk.
Harris chu Gaza indona chungchang pawh zawh niin White House chuan Israel leh Hamas te chuan inremna siamin Palestinian te chuan thenawmah Israel neiin lungmuanga nun an phu a ni a ti bawk a.
“He indona hi a tawp a ngai a, inremna siamin mitangte pawh chhuah zalen an nih a ngai,” tiin a sawi a. Mahse, inremna siam a nih theih nana tihtur engmah sawi a nei lo thung a. Democrats thenkhat tena an duh dan angin Israel chu ralthuam lama hrek erawh a duh lo tiin a sawi thung.
Moderate immigration view a neih sawifiahin Democratic nominee chuan vice-president a nih anga ram chhung hmun hrang hrang a tlawhna chuan consensus pawimawhzia a hriatfiah tir tiin a sawi a.
President atan thlan tlin ni se a cabinet-ah Republican-te pawh a ruat mai tur thu sawiin ‘Americans tin te tan’ president a nih tur thu a sawi bawk a.
“Ka career-ah ngaihdan hrang hrang nei te ka sawm fo tawh a. Ngaihdan inang lo nei hrang hrang tena dawhkan kilhova thutlukna pawimawh siam chu a pawimawh berin ka hria” tiin a sawi.
Jamaican leh Indian nupa kara piang a nih chungchangah tun hnaiah Donald Trump-an Harris chu politics thila tun hnaia black identity neia a puhna chungchang zawhna pawh a chhang mumal duh lo thung.
Interview Bash chuan Tim Walz pawh zawhna zawtin military service a a awm lai leh fa nei thei mai lova an awm chungchang a zawt a. Bash chuan ‘indonaah assault rifle kengin’ tia Walz an campaign naah a sawi chungchangah indonaah Walz chuan rifle a ken ngai miah si loh chungchang a zawt a.
Governor Walz chuan school a gun crime chungchang kaihhnawih a sawi lai niin a emotional em avang a nih thu leh chumi avanga thudik tawk lo sawi a nih thu a sawi bawk.
Hei bakah hian a nupuiin in-virto fertilisation (IVF) treatment la tia thudik lo a sawi chungchangah ‘Naupai theihlohna chungchang ka sawi a, a hrehawm tawp a, chutiang chhungkua chuan an hrethiam mai ang’ tiin a sawi zui bawk.
Harris chuan President Biden an July thlaa presidential race atanga inhnuhdawh a tum thu a hrilh dan a sawi bawk a.
Biden hnen atanga phone call a dawn laiin an chhung tena an lo tlawh lai a nih thu sawiin pancake leh bacon ei leh puzzle vel tia kan awm lai a ni a ti a.
Harris chuan Biden chu president la ni zui tura tha tawk a ti bawk a, “A smart tawp a, Oval Office a situation room-ah darkar tam tak kan awm thin a. A fing a, a inpe a, thutlukna dik siam turin a awm bawk a ni” tia sawiin Biden quality neih ang chu Trump chuan pakhatmah a nei ve lo a ti bawk.