Kan candidate a tlin chuan in mamawh kan pe ang che u – Union MoS

Kan candidate a tlin chuan
in mamawh kan pe ang che u
– Union MoS
Dampa bial mamawh chu an candidate a tling a nih chuan an pe dawn tih Union minister of state George Kurian chuan a sawi.
Nilainia Dampa bial Darlung khuaa vantlang inkhawmah Union MoS hian, Prime minister Modi chuan tun hnaiah cheng vaibelchhe 8000 sengin Mizoram khawpui tlawh pawh thei turin rel kawng thar min pe a. Hei hian Mizoram tan inkalpawhna a ti awlsamin, Delhi, Kolkata leh Guwahati chu hun reilote chhungin man tlawm takin kan tlawh pawh thei ta tih a sawi.
“Darlung rawn thlennan hian kawgpui zim tak leh chhe tak kan rawn paltlang a. State sawrkarin a ngaihthah zia che u ka hmu. Dampa bial hian kawngpui tha in mamawh a. Kuthnathawktute tan link road kan mamawh tih ka hre bawk. Heng bakah mipui mamawh dang tam tak a awm tih ka hria a, Dampa bial mamawh hi BJP candidate in thlantlin chuan kan pe ang che u,” a ti.
Kum 1980-a BJP din a nih lai atangin BJP a zawm ve a, Kerala state a awm, Kristian dik tak leh tha tak a ni tih George Kurian hian a sawi. “Mizorama Kristian-ten BJP hlauh kan inzirtir thin hi a mak hle a, vawiin thleng hian BJP ka ni a, Kristian ka ni bawk a, inremlohna leh harsatna engmah ka la tawk ngai lo. Chuvangin BJP hlau tura inzirtirna hi politics-a inbeihna mai mai a ni,” a ti.