Kan chhungte thisen in he ram democracy hi chawi nunin a awm : Priyanka Vadra

Congress leader Priyanka Gandhi Vadra chuan India mipui te tan an beih chhunzawm reng tur thu a unaupa Rahul Gandhi MP a nihna atanga ban a nihna duhlohna lantirna neihnaah a sawi a.
“Min tihlau leh timualphova min ngwih tir theih an inring em ni? Kan tawp dawn hauh lo, mipuite rim taka thawhchuahsa sum hi mi tlemte te kuta a luh kan remti ngai dawn lo” tiin Vadra chuan BJP sorkar chu natakin a kapz ui a.
“Kan chhungkua (nehru-Gandhi) te a ni he ram democracy hi an thisen nena chhawm nung tu zawk ni” tiin a sawi bawk.
“Ka unaupa hian PM Modi chu Parliament ah pana kuahin amah huatna aneih loh thu a hrilh hial a. Ideology hran kan nei a ni mai thei a, mahse, huatna ideology kan nei lo” tiin Congress generals ecretary chuan Raj Ghat a punkhawmnaah a saiw bawk a.
“Nang ni BJP te hian ‘Pariwarvaad’ in sawi a, tu nge Lord Ram ka zawt duh che u a ni. Pariwarvaadi a ni em emaw an family culture tana an beih avangin Pandavas pariwarvaadi a ni em? He ram tana kan chhugnkua member tena an beihna tawh avangin kan zak dawn em ni?” tiin a sawi bawk.
A unaupa Rahul Gandhi disqualification chungchang sawiin Priyanka Gandhi chuan BJP te chu kapin Parliament ah disqualified an ni ve ngai lo a ti a. “Jail ah thawn an ni lo va, inthlanah an chuh pawh khapsak an ni ngai lo. Mahse, kan chhungkua nasa takin min hmusit a, kan ngawi mai zel a” tiin a sawi bawk a.
“He tricolour hnuaiah hian ka pa ruang a zal a, ka unaupa in a hnathawh a zui a, nangni chuan parliament ah martar chu inhmusit a ni. Martar fapa chu Mir Jafar in ti a, Nehru family in kawk bawk a. Kashmiri tradition a fapa in a pa surname a chhawm chu inhmusit a ni” tiin Vadra chuan a sawi bawk.
Bharatiya Janata Party (BJP) national spokesperson Sambit Patra chuan Thawhelhni kalta khan Rahul Gandhi chu tunlai Indian politics a MIr Jafar tiin a sawi a, UK a a thusawi avanga ngaihdam dil turin a phut bawk.
February thla khan Prime Minister Narendra Modi chuan Nehru-Gandhi family chu an hminga scheme kalpui vak vakah puhin ‘Nehru surname put an hreh a niang’ tiin ngeiawm takin a lo sawi tawh bawk a.
“|henkhat chuan govt scheme hming chu Sanskrit tawnga dah an duh lo va. Sorkar scheme 600 chuang chu Gandhi-Nehru family hming pu a nih thu ka chhiar a. Eng vangin nge anthlah kalzel te hian Nehru surname an hman zui loh le, engnge hlauh leh zah tur awm?” tiin PM Modi chuan Rajya Sabha a president address motion of thanks sawinaah a lo sawi tawh a ni.