Kang hlum
February 25 zan dar 11.30 vel khan PC Lallawmkima (44), Lunglei Electric Veng chu an chenna in kangah a kanghlum. Thudawn danin PC Lallawmkima hi a nupui pahnihna nen mi in Assam type mal din an luah a, hmun dangah insawn tumin an bungraw thenkhat pawh an in sawnna turah hian an dah tawh a, a nupui hi in kan zan hian an insawnna turah hian a riak a, a ni hi an chhuahsan tum inah hian a la riak thung. Thenawmten kangmei chhuak an hriat in a lo nasa deuh tawh a, chhung lamah kawngka a inkalh bawk nen, an chhan hman ta lo nia sawi a ni. In kan chhan hriat a ni lo.