Kar khat chhunga hla lar ber Benson Boone ‘Beautiful Things’

Benson Boone hla hit ‘Beautiful Things’ chu kar khat chhunga khawvel huapa hla lar ber niin Billboard Global 200 chart-ah a No.1 a, hetihrual hian Miley Cyrus ‘Flowers’ pawh top 10-ah a rawng lang thar ve leh ta bawk.
Billboard Global 200 chart hi kar khat chhunga US-a hla lar dan tehna a ni a, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) bakah download sales te chu tehna pawimawh a ni.
Benson Boone ‘Beautiful Things’ hian kar khat chhungin stream maktaduai 52.8 leh sales 13,000 neiin, chart No.6 atangin No.1-ah a invawrh a, he singer-songwriter, kum 21 mi hi he chart-a a vawi khat No.1-na a ni. A hla danng he chart-ah hian top 10 kai pha a la awm lo va, May 2022 khan a hla ;In the Stars’ chu No.48 a kai a, 2021-ah a hla ‘Ghost Town’ chu No.79 a lo kai tawh bawk.
Chart No.1 hlui Tate McRae ‘Greedy’ chu No.3 atangin No.2 a kai thar leh a, chart No.1 hlui bawk Jack Harlow ‘Lovin in Me’ chu No.2 atangin No.3-ah a tawlh a, Teddy Swims ‘Lose Control’ chu No.7 atangin No.4-ah a insawn a, chart No.1 hlui Taylor Swift ‘Cruel Summer’ chu No.10 atangin No.5 a kai thar ve leh ta bawk.
Miley Cyrus hla hit, he chart-a 2023 kuma kar 13 No.1 thei chuan Grammy Award record of the year leh pop solo performance a dawng a, hei bakah hian award semnaah Miley hian he hla ngei mai hi pui takin a perform bawk a, hei hi a hla a tilar thar leh a, kar khat chhungin stream maktaduai 37.4 leh sales 33,000 tlingin No.29 atangin No.8-ah a invawrh thar leh ta a ni.
Billboard Global 200 Top 10:
1 Beautiful Things – Benson Boone
2 Greedy – Tate McRae
3 Lovin On Me – Jack Harlow
4 Lose Control – Teddy Swims
5 Cruel Summer – Taylor Swift
6 Stick Season – Noah Kahan
7 La Diabla – Xavi
8 Flowers – Miley Cyrus
9 Redrum – 21 Savage
10 Yes, And? – Ariana Grande