Kar khat chhunga lar ber Drake

Drake chu Billboard Artist 100 chart-ah a No.1 a, he chart-a a No.1 tawh zawng zawng belh khawm chu kar 38 a tling ta a, he chart-a No.1 ni ngun ber dawttu niin, kar 81 No.1 thei Taylor Swift chiah a pha lo a, mipa zaithiamah chuan Artist 100 chart-a No.1 ni ngun ber a ni thung.
Billboard Artist 100 chart hi kar khat chhunga US-a zaithiamte lar dan tehna niin, chart ranking siam nan hian kar khat chhunga album leh hla hralh tam dan te, streaming leh radio airplay te chu tehna pawimawh a ni.
Drake hian a album thar ‘For All the Dogs’ hralh that zar a zo a, he album hi kar khatah 4,02,000 hralhin Billboard 200 (albums) chart No.1-ah a debut a, he album-a hla awm 23 te chu on-demand official stream maktaduai 514 tlingin, kar khat chhunga album stream nasat palina a ni pha. He album-a hla 23 te chu Billboard Hot 100 (singles) chart-ah an lang vek a, ‘First Person Shooter’ featuring J. Cole chu No.1 a ni nghe nghe.
Taylor Swift chu No.1 atangin No.2-ah a tawlh a, Morgan Wallen pawh No.2 atangin No.3-ah a tawlh a, Olivia Rodrigo chu No.4-ah bawk awm lehin, Zach Bryan pawh No.5-ah bawk a la awm.
K-pop group NCT chu No.8-ah an lang thar ve leh ta a, anni pawh hian an album thar ‘Fact Check: The Fifth Album’ hralh that zar an zo a, he album hi Billboard 200 9albums) chart No.16 niin, World Albums chart-ah phei chuan No.1 an ni a, an hla Hot 100-a lang thei an nei nual bawk.
Billboard Artist 100 Top 10:
1 Drake
2 Taylor Swift
3 Morgan Wallen
4 Olivia Rodrigo
5 Zach Bryan
6 SZA
7 Luke Combs
8 NCT 127
9 Jelly Roll
10 Rod Wave