Kar tawp football hnuhma

Kar tawp khan tualchhung league hrang hrang khelh chhunzawm a ni a. Europe a league lian zual panga zingah La Liga, Italian Serie A, German Bundesliga leh French Ligue 1 te khelh a nih laiin England-ah chuan FA Cup pre-quarter-final khelh a ni thung. Kar tawpa football hnuhma langsar zual kan hrut kual leh thuak thuak ang.
FA Cup
Pathianni zan khan champion lai Manchester City chu an mikhual Fulham lakah an tlawm a, quarter-final lut zo lovin an tla. United hian cornar atangin goal an chhuah a, season kal meka inelna hrang hrangah corner atangin goal vawi 13 zet an chhuah tawh. Red Devils hi season kal meka Premier League team zingah corner atanga goal chhuah hnem ber an ni.
February ni 9-ah a club thar Aston Villa tan bul a tan atangin Marcus Rashford chuan goal thun theihna hun tha vawi 13 zet a siamchhuak tawh a. He mi hun chhungah hian EPL player zingah chance tha siam hnem ber a ni.
Inrinni zan khan Manchester City chuan an mikhual Plymouth Argyle chu 3-1 in an hneh let a, FA Cup quarter-final an lut. City hi an muala FA Cup khelhah vawi 15 zet a n chak zawn tawh a, hei hi kum 60 zet hnuah FA Cup-a an chak zawn rei ber tum a ni. Carabao Cup leh , Champions League atangin City hi an tla tawh a EPL-ah an tan champion a har viau tawh bawk. City tan hian FA Cup hi an champion theihna hnaivai ber a ni tawh a, champion ngei tumin thapui an thawh ang.
Spanish La Liga
Pathianni zan khan hmahruaitu FC Barcelona chuan an mikhual Real Sociedad chu 4-0 in an sawp. Barcelona hian season kal meka inelna hrang hrangah vawi 40 khelin, goal 124 an thun tling der tawh. Barca hi Real Madrid (Kum 1959/60) hnu lamah game 40 atanga goal thun hnem ber a ni a. An chunga awm Real Madrid hian khelh 40 atangin goal 132 zet an thun thung.
FC Barcelona goal thun khawl Robert Lewandowski chuan season kal meka inelna hrang hrangah vawi 37 khelin goal 34 a thun tawh a. Top five European league season kal mekah goal thun hnem s and more than in any other campaign for Barcelona (33 in 2022/23).
Tunhnai game 12-ah Barcelona tan Dani Olmo a khel tha viau a, bul atan 12 atangin goal 5 a thun a, assist vawi 5 a nei tling bawk.
Atletico Madrid chuan La Liga season kal mekah an substitute player te atangin goal 16 zet an thun tawh a, Europe’s top five league zingah substitution player atanga goal thun hnem ber an ni.
Real Madrid tan Vinicius Junior chuan inelna hrang hrangah vawi 300 a khel tling ta a. Brazil player zingah Real Madrid tana khel hnem palina a ni a, a chungah hian Marcelo 546, Roberto Carlos 527 leh Casemiro 336 te an awm.
Italian Serie A
Atalanta player Juan Cuadrado chuan inelna hrang hrangah vawi 400 a khel tling ta a, big-5 European league-ah South American player zingah Europea league lian zuala vawi 400 khel tling thei parukna a ni a. Ani bakah hian Lionel Messi, Alexis Sanchez, Dante, Thiago Silva leh Edinson Cavani ten Europe League lian zual pangaah vawi 400 an lo khel tling tawh bawk.
German Bundesliga
Bayern Munich chuan season kal mekah game 24 khel tawhin goal 72 an thun tling der tawh. Bayern bawk hi Bundesliga-ah game 24 atanga goal 72 aia tam thun awmchhun an ni a. Kum 2021-22 khan game 24 atangin goal 75 an lo thun tawh bawk.
Champion lai Bayer Leverkusen tan Granit Xhaka a khel tha leh viau a, season kal mekah assist vawi 7 a nei tling a, hei hi Europe’s top five league-a season a hman that ber tum a tawng nawn leh.