Kar tawp football hnuhma langsar

Inter National bre-ak a zawh rualin tualchhung league khelh chhunzawm lehnghal a ni. Kar tawp-ah inkhel hmuhnawm tak tak awmin, football hnuhma thar eng emawzat hnutchhiah belh a ni. Kar tawpa football hnuhma langsar zual kan hrut kual leh ang.
English Premier League
Pathianni zan khan table-a hmahruaitu Liverpool chuan 3-2 in Southampton an hneh. Reds hi an manager thar Arne Slot hnuaiah an khel tha viau a, EPL match 12-ah vawi 10 zet hnehna an chang tawh. Slot hi EPL manager zingah an match hmasa 12-a vawi 10 chak tling thei hmasa ber leh awmchhun a ni.
Champion lai Manchester City chu inrinni zan khan an mikhual Tottenham lakah 0-4 ngawtin an mualpho. City hi inkhel hrang hrang an hmachhawn hnuhnung pangaah an tlawm vek a. Kum 1956 a Chelsea hnu lamah champion lai inelna hrang hranga vawi nga tlawm zawn leh hmasa ber an ni.
EPL khel thei naupang ber Ethan Nwaneri chuan inrinni zan khan Nottingham Forrest lakah EPL goal hmasa ber a thun. Nwaneri hi kum 17 leh ni 247-a upa a ni a, Arsenal tan EPL-a goal thun thei naupang ber dawttu a ni a, a chungah hian kum 17 leh ni 113-a upa ni chunga goal thun Cesc Fabregas a awm.
Pathianni zanah Southampton an lehthal tumin Mohamed Salah chuan goal hnih a thun. Salah hi EPL goa 239 zetah a inrawlh tling a, Chelsea tan goal a Frank Lampard inrawrlh (237) aiin a tam tawh zawk. EPL-ah hian Salah aia goal a inrawlh tam zawk pali an la awm a, chungte chu ; Wayne Rooney (276), Ryan Giggs (271) Harry Kane (259) leh Thierry Henry (249) te an ni. Salah hi EPL season kal meka goal 15 zetah a inrawlh a, goal a inrawlh tam ber a ni.
Spanish La Liga
FC Barcelona tan Robert Lewandowski a chetha tluang zel a, La Liga season tharah goal 15 a thun tling der tawh. Lewandoski hi season kal mek top 5 European league-a goal thun hnem ber a ni a, a hnuai chiahah hian goal 14 thun tawh Bayern Munich striker Harry Kane a awm mek.
Barcelona tan hian Brazil forward Raphinha a vul viau bawk. Manager thar Hansi Flick hnuaia vul thar tak Raphinha hian season thara inelna hrang hrangah goal 13 a thun tling der tawh.
Real Madrid midfielder Federico Valverde chuan goal 2022-23 season atanga tun thlengin box pawn atangain goal 9 a thun tling der tawh. Hemi chhung hian box pawn atanga goal 9 thun thei parukna a ni a, Box pawn atanga goal 10 thuntu Kylian Mbappe chu box pawn atanga goal thun hnem ber a ni.
Italian Serie A
Lazio chu season tharah an khel tha rih viau a, an match hmasa 13-ah vawi 9 zet an chak der tawh. Ti hian Serie A-a bul an tan that ber 2017/2018-a an record an nihrual.
German Bundesliga
Bundesliga-ah England Captain Harry Kane a che bon zui zel. Kane hian FC Ausburg an hmachhawn tumin hattrick a siam a. Tihian Bundesliga game 43 atangin goal 50 a thun tling chiah a. Bundesliga-ah goal 50 thun tling rang ber record thar a siam ta hial a ni.