Colombian zaithiam Karol G ‘Provenza’ music video chuan YouTube-ah vawi tluklehdingawn en a hlawh ve leh ta a, Karol G tan hetiang zat YouTube-a en hlawh thei music video pakua a neihna a ni ta. ‘Provenza’ music video hian YouTube-a a dah atanga kum hnih chhung lekin he mellung hi a thleng hman a ni.
He music video hi Pedrol Artola siam sak niin, Lanzarote thliarkara shoot a ni a, a hla hi a vanglaiin Hot Latin Songs leh Latin Airplay chart-ah te No.1 a kai tei ve ve bawk. Karol G hian lead artist bakah featured artist emaw collaborator emaw angin music video YouTube-a vawi tluklehdingawn chin en hlawh thei hi pakua a nei tling ta a, a video dang he mellung thleng tawh te chu- Anuel AA, Daddy Yankee, Ozuna leh J Balvin te a thawhpuina ‘China’; Nicki Minaj a thawhpuina ‘Tusa’; Anuel AA a tawhpuina ‘Secreto’; Shakira a tawhpuina ‘TQG’; Mariah Angeliq a thawhpuina ‘El Makinon’; Bad Bunny a thawhpuina ‘Ahora Me Llama,’ bakah ‘Culpables’ leh ‘Bichota,’ te an ni.
Tunah hian a hla dang ‘Mi Cama,’ ‘A Ella,’ leh Maluma a thawhpuina ‘Creeme’ te pawhin he mellung hi an hnaih leh tawh hle a, vawi maktaduai 750 chuang an en an hlaw tawh bawk a ni.
Karol G hi Billboard-in 2024 Women of the Year leh Latin Woman of the Year-ah an thlang bawk a, kumin chu a kum that kum te pawh a tih theih ang chu.
Karol G ‘Provenza’ 1B view club-ah
Get real time updates directly on you device, subscribe now.
Next Post