Kate Middleton damdawi in atangin chhuak

A pum an zai avanga kar hnih dawn damdawi ina a awm hnuah Princess of Wales, Kate Middleton chu London Clinic atangin a chhuak leh ta a, Kensington Palace thuchhuah chuan Kate-i hian hma a sawn zel niin a tarlang a, “Prince leh Princess ten London Clinic team zawng zawng te chungah lawmthu an sawi a, a bik takin nursing staff ten duat taka an enkawl avangin an lawm hle a ni. Wales chhungkua te chuan khawvel hmun hrang hrang atanga anmahni duhsakna hlantu zawng zawng chungah lawmthu an sawi bawk a ni,” tiin an tarlang bawk.
Kensington Palace chuan Kate Middleton damdawi ina awm thu hi January ni 17 khan an puang tawh a, tunah chuan dam lam pan zelin in lama inenkawl chhunzawm turin damdawiin a chhuahsan ta a ni. Kate-i natna hi puanzar a ni lo.