Kawlkulh Group huam chhunga tlan lo turin kuhva tawlhte ngen

Kawlkulh Group huam chhunga tlan lo turin kuhva tawlhte ngen
Kawlkulh Group YMA chuan an huam chhunga tlan tawh lo turin kuhva rah phurtute an ngen a, February ni 3 khan thuchhuah siamin, an ngenna pawisa lova tlan lui an awma nih chuan district thuneitute nena inbiakremna angin hmalak a ni ang an ti.
February ni 1 khan Group YMA hi an \hu a, “Kawlkulh Group YMA huam chhung kawngpuiah tunlai hian kuhva rah phur motor lian leh te tam tham tak an tlan \hin tih hriat a ni a,” tia thuchhuah siam zuiin, thu leh awm hma chu an huam chhunga tlan tawh lo turin kuhva phurte hi an ngen a ni.
Group YMA hruaitute chuan tun hnaiah kuhva phur hi an pung tih an sawi a, \hal khaw ro lai an chuh a, tuna an tlanna hi fur laia tlanna chi a nih loh avangin khaw ro laia a tam thei ang ber tlan an tum nia an hriat thu The Aizawl Post an hrilh.
An huam chhung khaw hrang hrangah kuhva phurte hian kawng an tichhia ang tih an hlauh thu an sawi a, Kawlkulh lam phei chu kawngpuiin a hel tawh avangin a hma angin sorkarin khaw chhung kawng a siam ngawrh tawh lo mai thei a, kawng a chhiat hi a hlauhawm zual tih te an sawi.
Ngenna thuchhuah an siam hnuah kuhva phurte hian an laklawh thu an sawi tih pawh YMA hruaitute chuan an sawi a, mahse an ngenna hi an zawm an beisei tih an sawi bawk.