Kawng khar leh hawn hun

National Highway No. 44A/108 (Tuidai lui bul) Mamit leh Bawngva inkar kawnga leimin chu lirthei tlan tlang theiha thenfai a ni tawh a. Chutihrualin helai kawnga leimin hi a nasat em avangin lirthei tlante himna tur leh lirthei lian zawkten an zawh atana a him theihnan PWD-in a siam chhunzawm hna an thawk dawn a, helai kawnga lirthei tlan dan tur hi ruahmanna siam a tul avangin Mamit SP chuan danin thuneihna a pek ang leh sawrkar hriattirna dinglai angin kawng hawn leh khar hun a siam.
Mamit SP-in mipui a hriattir danin, he kawng hi zing dar 7.00 atanga chawhma dar 10.00 ah kawng hi khar a ni anga, lirthei tlan theih a ni lo. Chawhma dar 11.00 atanga chhun dar 12.00 inkar hawn a ni ang. Chhun dar 12.00 atanga tlai dar 5.00 thleng khar leh a ni anga, tlai dar 5.00 atanga zan dar 7.00 inkar hawn a ni ang.
He thupek hian October 6-31. thleng a huam anga, thupek zawm tura mipui ngen an ni a.Thupek zawmlo chu 179 MV Act hmanga hrem theih an ni tih a sawi.