Kawng leh lei siam enfiah

Mizoram PWD hnuaia Kolasib district-a hna thawh hrang hrang chu Inrinni khan PWD minister Vanlalhlana’n a hmunah a enfiah.
Hna a ennaah hian contractor-ten lo dawngsawngin, an hnathawh an lo hrilhfiah a. Hna thawktu contractor-te chu tha tak leh chak zawka thawk turin a chah.
Minister hian PWD NH Division-III hnuaia hnathawh, cheng nuai 5310 senga NH-154/6 Kolasib – Bairabi kawngpui siamthat leh zauh hna thawh mek, cheng nuai 1111 senga Bairabi bul Tlawng kam venhimna tur phase-I thawh mek, nuai 4136 senga Meidum to Hortoki kawng phase-I siam mek; PWD Kolasib Division hnuaia cheng vaibelchhe 133.66 senga Meidum to Hortoki kawng phase-II siam leh lei dawh hna thawh mek leh Rengtekawn to Bawktlang Sub-Station kawng siamthat tumte a en a. Heng hna chungchanga harsatna awmte chu department hotute nen sawi hoin, hma lak chhunzawm dan tur sawi ho a ni. Kawng siam hna leh lei dawh hna thawh chhunga mipui veivakten harsatna an tawh lohna tur leh fur ruahtui tlak huna harsatna a awm loh nan ruahmanna sawi a ni bawk. 8 Meidum to Hortoki kawng siam hna phase-I hi physical work 79.49 thawh zawh tawh a ni
8 Meidum to Hortoki kawng siam phase-II ah earthwork leh permanent work package 4 awmin, zaa 91 zawh tawh niin, pavement thawh tan mek a ni.
8 Lei dawh tur pali awmin, Chhimluang lui leh Dumkhel lui kaina lei dawh hna zaa 23 ve ve zawh tawh niin, Bulung lui leh Damdiai lui kanna lei dawh tur thawh tan mek a ni.
8 Bairabi-a Tlawng lui kam venhimna tur phase-I chu group 4-ah then niin, Group-I, Group-III leh Group-IV chu thawh zawh tawh a ni a, Group-II thawh mek niin, zaa 89.01 zawh tawh a ni.