Kawng tihnawktute endik

Serchhip District Road Protection Squad chuan an leader, SDC Dr Marilyn Lalruatkimi hoin Serchhip khaw chhung Kawnpui, Chhim Veng leh Hmar Veng VC huamchhunga kawngpui an endik.
Thawk chhuakte hian kawngpui fangin VC-ten an lo dawngsawng a. Kawngpui pawimawh zual leh lunlai deuh ngaihpawimawh niin, lirthei leh mipui veivahna atana hnawk thei thil dahtute chu insenghawi turin an hriattir.
Serchhip Road Protection Squad hian Serchhipa kawngpui hi a him tawk em tih leh vantlang tana hnawk thama kawngpui nek an awm em tih an endik thin a. Kawngkama dawr leh workshop neiten kawng an nek em tihte, garage nei loa kawngsira lirthei riah thin an awm em, tih te an endik thin. Team li (A, B, C leh D) ah inthenin, official-te bakah tlawmngai pawl hruaitute leh Joint VC hruaitute an tel. Serchhip khawpui chhung VC area hrang hrangah insemdarhin a tahtawlin kawngpui an endik thin a ni.