Kawnpui atanga Durtlang Aizawl Road kawng, km 121 – 169 chu km. 141-143 inkar, Serkhan khuaah BRTF-in a siamthat mek avangin hemi kawnga lirthei kalh theih hun leh khar hun chu Superintendent of Police Kolasib chuan a siam.
-- Advertisement --
2023 February 13 atanga February 18 thleng hman turin, zing dar 9.00 atanga chhun dar 12.00 thleng leh, chawhnu dar 1.00 atanga chawhnu dar 3.00 thleng he kawng hi lirthei kal theih lohin khar a ni anga; chhun dar 12.00 atanga chawhnu dar 1.00 inkar leh, chawhnu dar 3.00 atanga a tuk zing dar 9.00 lirthei tlan theiha hawn a ni ang.
He thupek zawm lo chu 177 MV Act hmanga hrem an ni anga, thupek hian tul bik thila police, Fire & Emergency Services, ambulance leh magistrate-te chetvelna erawh a huam lo a ni.