Govt. Hrangbana College Mizo department buatsaih KC Lalvunga (Zikpuii Pa) thu leh hla chu Ningani khan Aizawlah zirho a ni a, hemi rual hian KC Lalvunga Merit Scholarship sem a ni.
Hmanpuitu Mizo Language Development Board chairman R Lallianzuala chuan Pu KC Lalvunga chanchin a sawi a. Mizo hnam tana hna a thawh tam zia, thu leh hla huang piahlamah zirna leh politics thlenga Mizo hnam tana mi pawimawh a nih zia a sawi. Tun hun thlenga a tu leh fate inpekna zara zirlaite leh Mizo thu leh hla hmasawnna atana hma la a, sum leh pai tam tak hmanga an la insengso zel chu fakawm a tih thu a sawi a ni.
Mizo subject-a titha zirlaite hnena sem tak KC Lalvunga Merit Scholarship chu zirlaite pawhin tangkai taka hmanga hlawhtlinpui zel tura a duh thu a sawi bawk.
A ni bakah hian KC Lalvunga fanu Lalthanzami leh Govt Hrangbana College principal Lalthlengliana Hrahsel ten thu an sawi a. Chawhnu lamah KC Lalvunga thu leh hla zirho niin, MZU associate professor Dr Zoramdinthara leh Mizoram Christian College asst. professor KC Lalthansanga te paper buatsaih zirho a ni a. Zikpuii Pa thawnthu hrang hrang hmanga lehkhabu thlirlet intihsiak neihah lawmman sem nghal a ni.
KC Lalvunga chanchin zirho
Get real time updates directly on you device, subscribe now.
Next Post