Ke nei loin skateboaring record a siam

Paralympic athlete leh surfer, Hollywood actress leh runway model ni bawk Kanya Sesser, kum 31, hi a pian hlim atangin ke (legs) nei lo a ni a, mahse, skateboarding record a siam thei tho. A record siam chu Skateboard (LA3) a Handstand ti rei thei ber a ni a, second 19.65 a ti thei. Skateboard-ah ke aia kut hmangin lu lei vit zawngin an innemkang a, chutiang chu handstand an tih chu a ni.
Kanya Sesser hi 1992 a piang niin, pian hlim atanga ke pahnih nei lo a ni a, Pak Chong, Thailand-a Buddhist temple bula kawng sirah a nausen laiin a chhungten an kalsan a, chu chu nu pakhatin chharin, damdawi ina a kalpui a, hetah hian nurse pakhat ‘Nurse Mae Chan’ an tih mai chuan a lo enkawl a, 1998 thleng Mae Chan hian a enkawl a, chumi hnuah American nupain fa atan lain, Portland, Oregon lamah, a nu leh pa Jane leh Dave bakah a u mipa pahnih te nen a khawsa ve ta a ni.