Keite in nuchang pakhat tihlum

Rajasthan a Udaipur district khaw pakhatah Keite in nuchang pakhat tihlumin, an chhungkaw member dang a hliam nual bawk.
Forest hotute sawi danin, he Keite hi zingkarah in pakhatah lutin, an chhungkaw nu ber Kamla Kanwar, kum 55 bawr vel chu a bei a, a te thawm hriain midangin chhan tum mah se, a nunna an chhan zo ta lo niin an sawi.
He lai hmunah hian Keite hi karkhat chuang vel a khawsa tawh nia sawi a ni a, a eitur zawng riltam chuan a hmuh hmuh a seh tawh mai niin forest lam chuan an sawi bawk.
Nunna chante chhungkua bik hian an nu ber chhan an tumna lamah hliam an tuar nual nia sawi a ni a, enkawlna pek nghal an ni.
Principal Chief Wildlife Warden (PCCF) leh Chief Wildlife Warden (CWWF) ni bawk Pavan Kumar Upadhyay chuan Keite hi tihhlum tura ruahmanna an siam nghal thu sawiin, tihlum tura thawktuten an veh nghal thu a sawi.