Kejriwal-an nisarih bail pawhsei dil

Delhi Chief Minister Arvind Kejriwal chuan May 27 khan Supreme Court hnenah a interim bail neih mek chu nisarih chhung pawhsei a dil.
Supreme Court chuan May 10 khan Lok Sabha poll campaign a neih theih nan Kejriwal chu interim bail a lo pe tawh a.
Kejriwal chu June 2 ah lung ina lut leh tura tih niin karkhat chhung pawhsei sak turin a ngen ta a ni. Kejriwal chuan medical test hrang hrang tih tur a neih thu sawiin chung zingah chuan PET-CT scan pawh a tel a. interim bail a neih chu June 1 thleng niin inthlan result chu June 4 ah puan a ni ang.
“General Election chu kum khata event pawimawh ber a ni a, a chhan chu ram pum inthlan kum a nih vang a ni. Electorate 970 million vel atangin 650-700 million voter vel ten kum nga chhunga an sorkar duh tur an thlang dawn a ni. General Election chu democracy atana thil pawimawh a ni” tiin Bench of Justices Sanjiv Khanna leh Dipankar Datta te chuan order an siamah an lo sawi lang tawh a ni.
Mahse court chuan Kejriwal chu Chief Minister office emaw Delhi Secretariat a tlawh a khapsak thung a. Lieutenant Governor of Delhi approval lak ngai thil a nih ngawt loh chuan offcial file-ah a hming a ziak tur a ni lo bawk. Chumai bakah a thubuai liquor policy kaihhnawihah sawi engmah a neih a remti lo bawk.