Kendrick Lamar & SZA ‘Luther’ a la Hot ber

Kendrick Lamar & SZA ‘Luther’ a la Hot ber
Kendrick Lamar leh SZA hla hit ‘Luther’ chu Billboard Hot 100 (singles) chart-ah a No.1 a, he chart-ah hian a zawnin kar sarih a No.1 tling ta. He hla title hi R&B icon, boral tawh Luther Vandross hming chawia an tih niin, a hla thuah pawh an lam chhuak nghe nghe a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
‘Luther’ hian kar khat chhungin US-ah radio airplay ngaithlatu maktaduai 61 a la nei thei a, stream maktaduai 24.4 leh sales 2,000 a la tling bawk a, hei hi a kar sarihna nan an No.1 pui leh ta a ni. Lamar hian he chart-a No.1 kai thei hla paruk nei tawhin, SZA-i’n pathum a nei tawh a, chung zingah chuan tun hi a zawna an No.1 rei ber tum a la ni ve ve bawk.
He chart-a kar nga No.1 ni thei Lady Gaga leh Bruno Mars ‘Die With a Smile’ chu No.2-ah bawk a la awm a, Drake ‘Nokia’-in stream maktaduai 21.5, radio airplay ngaithlatu maktaduai 15.4 leh sales 6,000 neiin, No.7 atangin No.3-ah a insawn a, Drake hian Hot 100 chart-a top 5 kai thei hla 42 a nei tling ta a, he chart a top 5 kai thei hla ngah ber a nihna a sawh nghet leh ta sauh a ni. ‘Nokia’ hi Drake hla Hot 100 top 3 a lang thei 31-na niin, hei hi tuma tluk phak loh a la ni bawk.
Chart No.1 hlui Shaboozey ‘A Bar Song (Tipsy)’ chu No.3 atangin No.4-ah a tawlh a, Chappell Roan ‘Pink Pony Club’ chu No.5-ah a la awm a, chart No.1 hlui Teddy Swims ‘Lose Control’ pawh No.6-ah bawk awm lehin, ROSE leh Bruno Mars ‘APT.’ chu No.10 atangin No.7 a kai thar leh ta bawk.
Morgan Wallen hla ‘Just in Case’ chu No.4 atangin No.8-ah a tawlh a, a hla dang No.2 pawh lo ni tawh ‘I’m the Problem’ chu No.11 atangin No.9 a kai thar ve leh ta bawk.
Chart top 10 khartu chu chart No.2 pawh lo ni tawh, top 10 atanga chhuak tawh, Billie Eilish ‘Birds of a Feather’ niin, No.12 atangin No.10 a kai thar ve leh ta a ni.
Top Five Hot 100 Hits:
42, Drake
36, Taylor Swift
29, The Beatles
28, Madonna
27, Mariah Carey
24, Janet Jackson
24, Rihanna
21, Elvis Presley
20, Justin Bieber
20, Michael Jackson
20, Stevie Wonder

Top Three Hot 100 Hits:
31, Drake
26, The Beatles
26, Taylor Swift
25, Mariah Carey
22, Madonna
21, Rihanna
19, Janet Jackson
16, Michael Jackson
15, Beyoncé
15, Stevie Wonder