Kerala rawltharin mask vuah rang record siam

Surgical mask vuah nan second engzat nge i hman? Lo in-test ve teh, record siam theihna kawng a inhawng tlat mai! Kerala rawlthar Josukutty Elbin, chuan mittuam chungin second 11.56 chhungin surgical mask 10 a vuah dik thlap a, Guinness World Records a siam.
COVID-19 kan hmelhriat hnuah mask leh personal protective equipment (PPE) te pawh kan hmang tlangnel ta hle a, face mask vuah hi puipunna leh damdawi in velah te natna hri inkaichhawn theih laka min veng theitu leh midang kan kai chhawng tur ven theihna pakhat a ni, mask hman kan uar ta hle a, record siam nana hmang te pawh kan awm ta hial a ni.
Josukutty Elbin hian a mit a tuam a, tichung chuang surgical mask hi rang takin a vuah a, a vuah thuah zel a, second 11.56 chhungin 10 a vuah man a, record siam tur chuan a vuah dik a ngai a, a hrenna (strap) chu a bengah a inzep dik ngei ngei tur a ni.