Keys paltlanga Wimbledon last 8 lut Noskova

Rising Czech tennis sensation an tih deuh duah, Czech Republic atanga tennis star rawn kuhmum tan mek Linda Noskova chuan Wimbledon women’s singles khelh mekah huhang nei lian chhunzawm zelin, he ram atanga a chipui champion hluite zinkawng zawhin a tum khatna atan All England Club-ah quarter-final a lut.
He hmun thleng tur hian grass bika match riat chak zawn mek American 26th seed Madison Keys lakah kum 21 mi hian 6-4, 7-6(2) hnehna changin, ei tling tura a inbuatsaihna kawnga kaihruaitu langsar zingah Martina Hingis-i nu Melanie Molitor a tel.
Czech ninth seed Noskova hian zanin semi-final luh inchuh inkhel pakhatah Belgian 25th seed Elise Mertens a tum leh dawn a; nizan khan women’s doubles round of 16 match pakhatah Noskova hi a kawppui Rebecca Sramkova (Slovakia) nen tangdunin Katarzyna Piter (Poland) leh Anna Siskova (Czech Republic) inkawp an hmachhawn a, result tarlan hman a ni lo.
Linda Noskova lo lan hma hian a chipui pathum – Petra Kvitova, Marketa Vondrousova leh Barbora Krejcikova-te’n an ram lamah Wimbledon title hi an lo hawpui tawh a, tunah Czech Republic atanga grasscourt major last eight lut thei kan hmu leh ta a ni.
Kum li chhunga Czech player-te’n a tum thumna’na Venus Rosewater Dish (Ladies’ Singles Trophy) hawn thei turin Karolina Muchova pawhin Wimbledon quarter-final hi a lut ve tawh bawk.
Nizan women’s singles last eight inkhel result tarlan hman loh pakhatah 10th seed Muchova hian 14th seed Naomi Osaka a hmachhawn nghe nghe.
Quarter-final mach danga American ve ve 4th seed Jessica Pegula leh 7th seed Coco Gauff-te inkhelk dinhmun pawh