Kg 27 ak chunga push up tiin record siam

Kg 27 ak chunga push up tiin record siam
Indian pa fit zek zawk tak mai, Rohtash Chaudhary, kum 41, a hming lemah pawh “Push-up Man of India” an lo tih hial chuan a hming a pu zo khawp mai, pound 60 (kg 27.2) a rit ak chunga push up tihnem thei ber a ni ta.
Rohtash hian Jawaharlal Nehru Stadium, New Delhi-ah record hi siamin, pound 60 a rit a hnunglama ak chungin push up vawi 847 chawl lovin a ti thei a, record a siam ta a ni. A hmaa hetiang record chu 2023-a Syrian Sami Jomah Hassan siam a ni a, Sami record hi a rawn khum ta a ni.
Rotash hi motor accident avangin kum hnih dawn a taksa tiche thei lovin a awm a, heta tanga dam chhuak leh tura a beihna lamah physical training a neih thin te chuan amah a tiphurin nuam a ti thei hle a, a dam that leh tak hnuah pawh physical fitness chu a tuipui ta zel a, tunah chuan khel lovin nitin exercise a la ta ngei ngei a, a theihna te pawh tihpun zel a tum a ni.
Tunah chuan India sorkarin a ram mipui te an lo active zawk theih nana hma a lakna pakhat Fit India Movement-ah ambassador a ni.