Khamrangah gas tihchingpen man

Khamrangah gas tihchingpen man
April zan khan Central YMA leh Khamrang YMA chuan Khamrang huamchhunga eirawngbawlna gas phur, gas tihchingpen lai an man.
Central YMA hnuaia Vigilance Sub Committee chuan an thudawn bawhzuiin ZADS Zone-3 duty leh YMA Khamrang Branch hruaitute nen Inrinni zan khan Khamrang-ah Zopuii Gas Agency Vaivakawn ta tur LPG phur truck AS11 DC1103 chu a khalhtute leh Khamrang mi pahnih inthurualin an lo tihchingpen laiin an man a. Gas hi bur 6 siam chhuah tumin an bei a, a ruak bur khat thun khahna atan hian a tak awm bur 15 vel an tichingpen thin niin an sawi. Bur hnih an lo thun khat hman a ni.
A tichingpentute hi zilhhau an nih hnuah tih tawh loh an intiam a, chhuah leh an ni a; gas tihchingpenna atana an hman bur 6 leh a hmanrua an man sak a ni.