Khatlaah Smart Street siam dawn

ject hnuaia Khatla-a Aizawl Smart Street siam tum lungphum chu Thawhlehni khan deputy chief minister Tawnluia’n a phum.
Deputy chief minister chuan Aizawl hmun laili taka mipui intih thawvenna tur hmun, Smart Street sak a ni tur chu Aizawlin a mamawh tak a ni, tiin, “Aizawl Smart City atangin cheng vaibelchhe tamtak hmuh a ni a, chumi hmanna tur chu project hrang hrang kalpui mek a ni,” a ti. Smart City hnuaia project ho chu department pakhat chiah thawh chi a nih loh avangin department hrang hrang nena inbiakna leh guidelines mumal taka thawh thin a ni tih a sawi.
Smart Street enkawl zui tur chuan sawrkar, kohhran leh khawtlang hruaitute thawhhona tha tak neih a pawimawh tiin, duh anga project tan a nih theih loh chhan chu a project sakna hmun tura lo awm hmasate hmun remchang zawka sawnchhuah an ngaih avangin hna tan mai theih a ni lo tih a sawi. Project thawktu turte leh contractor-te chu chulmam nawn ngailoa felfai taka hna thawk turin a hrilh a ni.
Aizawl mayor Lalrinenga Sailo pawhin sawrkarin project hrang hrangah thalaite lam hawi project a ngaipawimawh hle tih sawiin, Smart Street pawh sak zawh a nih hnu ah fai taka enkawl zui a pawimawh tih a sawi a ni.
Smart Street lungphum hi Khatla Industry office kawtah a ni a, a satu tur hi Unique Consultancy Service niin, a project hi Aizawl Smart City hnuai a ni a, a thawhna man tur hi cheng vaibelchia 3.28 a ni. Mechanical parking, open gym leh intihhlimna tur thil hrang hrang awm thei tura ruahman a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More