Khawihchhiat tawkte hnenah nuai 10 hlan

Manipur larsap Anusuiya Uikey chuan May 4-a Meitei mipa rualin Zohnahtlak hmeichhe pahnih an khawih chhiat leh an tih mualphote hnenah a tawrhpuina lantirna’n cheng nuai 10 ve ve a hlan a, puih an ngaihna laiah puih zel a inhuam tih a hrilh.
Larsap hian Lamka-a relief camp pahnih a tlawh a, an hriselna atana tangkai tur hmanrua, naupangte ei leh in tur bakah sumfai a hlan bawk.
Kumin May 3-a Zohnahthlak leh Meitei inkara buaina a chhuah hnua Manipur larsap-in Zohnahthlakte awmna lam a tlawh tum hnihna a ni a, remna leh muanna a awm theih nana hmalaknaah tawiawm tura ngenin, an mamawh zualpui chu theih ang anga ngaihtuah sak zel a tum thu a hrilh a ni.