Khawizu thatna

Khawizu hi damdawi tha tak a nih chu kan ring theuh ang a, mahse, engtiang taka tha nge a nih erawh kan hre lo mai thei, tun tumah hian Times of India health section-a Dr Balukolar, M.D (Ay), R&D, The Himalaya Drug Company-in khawizu thatna ni a a sawi an tarlan te kan rawn chhawp chhuak ve e.
1. Khawizu-ah hian humectant compound a tam hle a, chu chuan kan vun a tihnawngin a fan theihna (elasticity) a siam tha a, vun a tinemin a timar thei.
2. Vuna cell thi tawh te a paih chhuak a, chuvangin vun chuar tur leh vuna inrin nek nek awm tur a veng thei.
3. Antibacterial leh antimocrobial property a neih avangin bacteria inthlahpung tur a veng thei a, chuvangin hliam leh pem bakah kang enkawl nan an tha hle.
4. Hliam leh pem a tifai a, a pun tur leh rimchhe tur te a veng a, nachhawkna a nih bakah hliam leh pem a tidam chak thei.
5. Vun natna chi hrang hrang enkawl nan hman thin a ni a, eczema leh dermatitis enkawl nan pawh a tha hle.
6. Anti-fungal properties a neih avangin athlete’s foot leh jock itch enkawl nan a tha hle. Athlete’s foot chu fungal infection a ni a, ke zungtang inkar vun te a lo khi a, a khawk vak vak thin. Jock itch chu taksa kumkar deuh lai leh vun nem deuh laiah sen bawl deuh tiak a, a na duh hle.
7. Natural antioxidant a ni a, ni zung hlauhawm (ultraviolet)-in vun a tichhe tur a veng thei.
8. Ni sa hnuaia awm nasat lutuk hian vun a tichhiain a ti tar hma thei a, chutiang hun atan chuan khawizu hi sunscreen angin a hman theih.
9. Vun chhungril-ah lutin, vun kua te a thuah fai a, infection awm tur vengin arngeng tan pawh damdawi tha tak a ni.
10. Vun tan moisturiser tha tak a ni.
11. Hmuirep leh hmui khawroah pawh khawizu hnawih la, damdawi tha tak a ni. Hmui a tihnem thep thei.
12. Khawizuah hian chini ang deuh glucose leh fructose bakah mineral pawimawh tak tak magnesium, potassium, calcium, sodium chlorine, sulphur, iron leh phosphate te a awm.
13. Vitamins B1, B2, C, B6, B5 leh B3 a pai a, mahse, heng hi chu an pangpar tlan a zirin a quality a danglam thei. Copper, iodine leh zinc te pawh tlem tham deuh chu a pai.
14. Glucose leh fructose a pai a, chu chu carbohydrate neiin taksa tan chakna a ni a, tihrawl a tichak thei bawk.
15. Naupai ten an neih fo, morning sickness tan damdawi tha tak a ni. Naupai lai te luak chhuak leh ti deuhnghulh ten an awm thin a, morning sickness tih a ni nain zingkar kher loah pawh a awm thei a, mahse, zingah a tam zual.
16. Regular taka khawizu ei hian kan taksaah calcium a lo tam a, thisen a insiam hnem a, anaemia, thisen tlakchham vanga dawldang te tan damdawi tha tak a ni.
17. Cholesterol chhe chi (LDL) level a tihniam a, chutihrualin cholesterol tha chi (HDL) a tisang ve thung.
18. Expectorant, soothing leh demulcent properties a neih avangin respiratory tract infection enkawl nan an hmang lar hle.
19. Taksain natna a do theihna a tichak a, infection thleng nawn tur a veng thei.
20. Metabolism a tichak a, chuvangin kan taksaa thau a tikangral chak. Intihcher tum te tan tuktin khawizu thirfiante khat leh tuilum chawhpawlh in ziah theih a tha hl