Khawsak harsa leh Home tan thilpek

Khawsak harsa leh Home tan thilpek
Serchhip bawrhsap pisa buatsaihin Zirtawpni khan mi 121 leh Home pahnih hnenah Krismas thilpek hlan a ni.
Hmanpuitu chief minister Lalduhoma chuan, nun danin a zir loh vangte, hrisel loh leh vanduaina avanga rahbi tleu, hunpui lo thleng tur huphurh hluah hluah chhungkua tam tak an awm thin tih sawiin, chu’ngmite thleng phaka sawrkar leh tlawmngai pawlte kan kun hniam a tul tih a sawi.
Khawtlang hruaitu, kohhran leh tlawmngai pawlte hnenah mi rethei tanpui tura chona siamin, “Kan veng leh khuaah ngaihsakna dawng ngailo an awm a nih chuan Lal Isua zirtirna kan bawhchhia a ni,” a ti. Sawrkar, kohhran leh tlawmngai pawl hmalakna hrula samari mitha hna lo thawk reng thinte chu chawimawi tlak a tih thu a sawi a ni.
Serchhip town area-a village council 14 atangin mi 5 theuh, belhkhawmin 70l Thenzawl atangin mi 30, Neihloh khaw mi 10 leh Buangpui khua 11-in thilpek hi an dawng. Zoar Urban Deprived Children’s Home leh Unity Orphanage Home hnenah sumfai hlan a ni bawk.
He programme-ah hian 47th Yonex Sunrise Junior National Badminton Championship 2024 Odisha-a neih zawh taka girls doubles champion Lalrempuii; he championship-a bronze medalist, North East Zone Inter State junior boys champion ni bawk Lalpekhlua Sailo & Malsawmhlua; National Badminton Championship (under 11) Mizoram Team-a tel Lalruatkimi te chawimawi nghal an ni.