Khawtlang sum thawh khawmin kawng siamtha

Veng mipui sum thawhkhawm hmanga siam, Bawngkawn Brigade Field tlaklama kawng siamthar chu Thawhtanni khan minister K Lalrinliana’n a hawng.
Khawtlang mipui thawhkhawma kawng tangkai tak tur siam a ni chu lawmawm a tih thu leh Mizoten kan chhawmnun reng atan tha a tih thu minister hian a sawi a. Rilru thianghlim tak nen, sawrkar rinchhan ngawt loa hma lak a ni chu fakawm a tih thu a sawi. A hlawhtlin theihna tura mimal inphal tak takte chungah lawmthu a sawi bawk. Tuna kawng siam tak chhunzawm lehna tur bialtu MLA atanga sum ruahman leh hmabak dang la awm pawh a hlawhtlin thuai a beisei tih sawiin, PWD engineer te nen enfiah tawh niin, blacktop na tur leh siam zawmna tur pawh ruahman a ni tih a sawi a ni.
Kawng hawn hi metre 180-a thui, metre 3-a zau a ni a. Mi 35 atanga sum hmuh hmanga siam niin, sum tlingkhawm chu Rs. 3,06,000 a ni. Kumin August 15 khan siam tan a ni a. Bawngkawn Brigade Welfare Committee-in hnathawh hi a en chhunzawm a ni.