Khawvel-ah tui thianghlim vang zual tial tial

Tui thianghlim in tur vang chuan khawvel ram bung hrang hrang a tuam mek a. Tui vanna chhan hi mihring tam zel te, khawpui bawh nasat lutuk te, industrialization, climate change leh water management mumal lo leh tha lo tena a thlen tia sawi a ni a. Tui vang hian nghawng a nei na hle a, khawtlang mai bakah environment a nghawng a na hle.
World Resources Institute’s Aqueduct Water Risk Atlas, global community water emergency hmachhawn bertute ram 25 awmna te leh world population quarter khat vel awmna te chuan tui lamah harsatna an tawh takzet thu an sawi a.
Khawvel pum huap pawhin mimal angin tam tak khawvel mipui zahve vel zet te chuan thla tinin tui lama harsatna an tawk tia sawi ni bawkin kum 2050-ah chuan khawvel pumah tui harsatna tawk te chu 60% a awh phak an ring bawk.
Kum 2010 khan water stress nei global GDP atanga 24% $15 trillion vel a nih laiin kum 2050 a chuan 31% ah $ 70 billion velah a kai zawt tura ngaih a ni a. India, Mexico, Egypt leh Turkey te chu harsatna tawk nasa ber ber thei tura ngaih an ni.
Report chuan khawvel ram 25 te chu kum tina tui lama harsatna namen lo tawk tawh an nih thu a sawi bawk a. Chung ram zingah chuan Bahrain Cyprus, Kuwait, Lebanon leh Oman te pawh an tel a. Heng region te hi tui lama harsatna namen lo la tawk chhunzawm thei tura ngaihte an ni bawk.
Tui lama harsatna nasa ber ber tawhtute hi Middle East leh North Africa ram te ni berin khawvel huapin mipui 83% te chuan tui lama harsatna an tawk tia sawi a ni bawk a. South Asia ramah pawh mipui nawlpui atanga 74% velin tui lama harsatna an tawk tih a ni bawk.
“Kan planet-ah hian tui hi resource pawimawh ber a ni a, tichung chuan awmze nei leh thain kan enkawl hauh lo. Kum 10 chuang tui lam kaihhnawih thilah hna ka thawk tawh a, thil danglam engmah a la awm tak tak lo” tiin Samantha Kuzma, Aqueduct data lead, WRI’s water programme chuan a sawi a.
Water crisis a nasat zui zel loh chuan hmalakna chak taka kalpui ngai tiin mitiamte chuan an sawi a, chutiang a nih loh chuan siam that hleih theih loh dinhmun a thlen mai hlauhna an nei lian hle a. Chung hmalakna kalpui tur atana pawimawh ber te chu political leader te an ni, an ti thung.