Khawvel hmeichhe zinga lei hlai ber

Texas, USA cheng Brittany Lacayo chu Guinness World Records-in khawvela hmeiche lei hlai ber (widest tongue)-ah a puang. Brittany lei hi a hlai ber laia 7.9cm (inches 3.11) a tling a, a lei hi a theih tawpa thuia a chhuahin, a hmui atanga teha a lei hmawr thleng sei zawng aiin a lei hlai zawng hi 2.5cm-in a la tam zawk.
He record hi a hmaa siamtu chu Emily Schlenker, USA, niin, ani hi a lei hlai lai bera tehin 7.33 cm (inches 2.89) a hlai a ni ve thung.
Brittany hi eizawnna lamah chuan attorney niin, a naupan lai atang tawhin midang aiin a lei a lian bik a, chu chu a chhungte pawhin fiam nan tak an lo hmang tawh thin a, mahse, hetianga Guinness World Record siam phah nan a hmang ang tih te chu a lo ngaihtuah pha ngai bik lo. Mahse, a thiannu-in Emily Schlenker video a entir hnua Brittany hian a lei chu teh vein, record a siam thei dawn tih a inhre ve ta chauh a ni.
Mipa lama lei hlai ber cu Brian Thompson, USA, niin, a lei hlai lai berah 8.88cm (inches 3.49) a hlai a ni a ni ve thung.