Khawvela football jersey khawl hnem ber

Sao Paulo, Brazil a cheng Cassio Brandao, kum 41, chuan Pele jersey hak hlui te pawh a nei a, room pakhat football jersey hrang hrang dah khawm bik te pawh a nei deuh tawp a, Guinness World Records-in khawvel football jersey chi hrang la khawm hnem berah an puang.
Cassio hian 2000 atang khan football jersey lak khawm hi a tuipui tan a, tunah chuan jersey 6,101 a nei tawh a, “Puan chi hrang 6,101 a ni satliah mai lo a, football history a chanchin 6,101 a chhawm a ni,” a ti.
Cassio hian a jersey lak khawm te hi Sao Paulo-a collectors club a din, Alambrado Soccer & Culture-ah a dah khawm a, he club-ah hian mi 60 chuang telin, jersey te inthleng tawnin, football chanchin te a sawiho thin.
Cassio jersey collection zingah hian Brazilian player Pele-a’n 1968-a Queen Elizabeth II a hmuhnaa a hak te pawh a tel a, hemi tum hian Maracana stadium, Rio de Janeiro-ah Queen hian Brazil a tawlh tum ama puala football khel a en ve a ni.
Alambrado-ah Pele a langsar ber a, Pele thlalak leh a jersey, amah ngeiin a hming a ziah hnan te pawh hmuh tur a awm nual. Pele hian December 2022 khan mual a liam ve taw a nih kha. Ronaldo jersey leh Socrates jersey te pawh a langsar pawl an ni.