Guinness World Records-in khawvela ketin sei bera an puan Louise Hollis chu kum 86 mi niin Compton, California-ah a thi. Louise hian a ketin hi 1981 atangin a zuah tan a, 1991-a a sei zawng an teh chuah a kezungtang 10 tin sei zawng belhkhawm chu 220.98 cm (inch 87) niin, khawvela ketin sei berah a puang a, he record hi vawiin thlengin tuman an la khum ta lo a ni.
Louise hian TV programme pakhata kuttin sei ber record a hmuh atangin a kut leh ketin zuah ve duhna a nei ta a, a kuttin pawh a zuah tel a, mahse, hei hi chu record siam thei khawpa sei a ni ta lo.
1999-a Fox TV-in an kawmnaah Louise chuan a ketin sei lutuk chu a buaipui thu sawiin, “An sei ta lutuk a, pheikhawk sang deuh er awr tak bun loh phei chuan kal ngaihna a awm tawh lo,” a ti. Pheikhawk a bun ngai mang lo a, a bun chhunah a pum a bun thei lo a, a ketin chhuahna tur a awm ngei a ngai.
Louise hian record a siam hnuah a tin hi a hlep then ta zauh zauh a, mahse, tawi tak tak tih erawh a awm ta chuang lo. “Dim taka kal a ngai a, tiang ka hawl deuh reng mai a ni,” a ti.
Khawvela ke-tin sei ber a thi
Get real time updates directly on you device, subscribe now.
Next Post