Netherlands-a engineer pariat rual chuan khawvela thirsakawr sei ber an siam a, meter 55.16 (feet 180 leh inches 11) a sei a ni! A hmaa hetiang record chu Australian Bernie Ryan-a thirsakawr niin, meter 47.5 (feet 155 leh inces 8) a sei a ni ve thung.
Heng engineer rual te hi Ivan Schalk, kum 39, hoin an thawk chhuak a, Ivan chuan a naupan lai atang tawha hetiang record siam hi a lo tum rilruk tawh niin a sawi a, “Ka naupan laiin Guinness World Record bu atangin hetiang record hi ka hmu a, chuta tang chuan record siam ve ngei tumin kum tam tak ka lo suangtuah tawh a ni,” a ti.
Thirsakawr sei ber record hi a awm nual tawh a, a hmasa ber chu 1965-a Cologne, Germany-a an siam niin, meter 8 (feet 26 leh inches 3) a sei a ni. He record hi an rawn khum zel a, New Zealand, Italy, Belgium, Australia bakah Netherlands atang pawhin team hnihin record an siam tawh bawk.
Ivan hian 2018 atang khan he project hi a hunawl hnawh khah nan hmangin bul a tan a, thirsakawr sei leh lian siam tur chuan mahni chauha a buaithlakna chin a awm ta a, tichuan a thawhpui tur, an khua Prinsenbeek atangin a sawm khawm ta a ni.
COVID-19 avangin kum hnih chhung an chawlhsan a, chumi hnuah tha thara bei lehin tunah chuan record an siam ta a ni. Hetiang record siam tur hi chuan thirsakawr chu khalh theih, rah kal theih, ke pahnih chauh nei, a ke hma leh ke hnung lam awm, a handlebar atanga herhkawi theih, a handlebar leh a ke hmalam inzawm a nih ngei a ngai a, record siam nan meter 100 a thui tal an khalh ngei ngei bawk tur a ni.
Khawvela thirsakawr sei ber
Get real time updates directly on you device, subscribe now.
Prev Post
Next Post