Khawvela ui hmelchhe ber

Pekingese ui an tih ang chi, an neitunu, Anne Lewis-i’n a hminga Wild Thang a phuah, kum 8 a upa chu Sonoma-Marin Fair, Petaluma, California-a Zirtawpni kaltaa 2024 World’s Ugliest Dog Contest-ah, ui hmelchhe berah thlan a ni a, lawmman pakhatna a dawng. Wild Thang hi ui hmelchhe ber thlannaah a lo tel ve fo tawh a, pahnihna te pawh tum thum a lo ni tawh a, tun tum chu title a dawng thei ta a ni. Ui Hmelchhe Ber title hian lawmman dollar 5,000 a keng tel.
Wild Thang hi ran natna chikhat, distempter an tih mai, an thâwkna lam (respiratory system)a viral infection awm thin, an immune system thlenga tichhe tei atanga dam chhuak a ni a, a bio-ah chuan, “A dam chhuak a, mahse, he natna hian a khawih chhe khawp mai. A ha a tikuh a, chuvang cuan a lei a chhuah reng a ngai a, a ke hma dinglam chher khawng sak reng a ngaih phah ta bawk,” tiin an tarlang.
Sonoma-Marin Fair, Petaluma, California-ah hian kum 50 dawn chu kumtin World’s Ugliest Dog Contest hi an lo kalpui tawh a, nikum winner chu Chinese Crested ui, a hming Scooter, kum 7 a ni.