Khawzawl Police-in ruihhlo halral

Khawzawl Police-in
ruihhlo halral
District Drug Disposal Committee Khawzawl chuan September 2025 leh February 2026 inkara ruihhlo an man, court-in thubuai a relfel tawh chu Ningani khan an halral.
District bawrhsap K Vanlalthiana chuan ruihhlo man kawnga thawktu District SP leh a thawhpuite thawhrimna leh thahnemngaihna lawmawm a tih thu a sawi a. Ruihhlo tawlha thalai suattute lakah Khawzawl district chu a zaidawh dawn lo, tiin, dan ang taka an chunga na taka action lak a nih tur thu a sawi. NGO leh ruihhlo do kawnga hmalatu pawl hrang hrang chu police nena ruihhlo tawlhru leh zuarte zawnchhuah kawngah thawk ho zel turin a sawm tih a sawi a ni.
Ruihhlo halral hi methamphetamine kg. 20.743, Rs. 119,915,000 hua chhut; heroin gram 582, Rs. 11,419,000 hu leh ganja kg. 1.868, Rs. 9340 hua chhut an ni a. Hemi kaihhnawihah hian Khawzawl Police Station-ah case 9 ziahluh niin mi 17 man an ni.
Kum 2025 khan Khawzawl PS-ah ND&PS case 12 ziahluh niin, methamphetamine kg, 11.612, Rs. 15,095,600 hu, heroin gram 747, Rs. 8,480,000 hu leh ganja kg. 5.879, Rs. 29,395 hu an man a, case kaihhnawihah hian mi 15 man an ni.
Kumin bikah January atanga April 2 thlengin ND&PS case hnuaiah thubuai 5 ziahluh a ni tawh a. Methamphetamine kg.13.873, Ieh heroin gram 225, hu manin, case kaihhnawihah hian mi 10 man an ni.