Khawzawlah Rangotsav buatsaih

Samara Shiksha Khawzawl District chuan Thawhtanni khan an district sawrkar school-a middle school zirlaite tan Rangotsav 2023 an buatsaih a. Govt. Little Flower School Khawzawl, Govt. Middle School-II Khawzawl, Govt. Kawnzar Middle School Khawzawl leh Govt. Khawhai Middle School zirlaiten category hrang hrang – thing leh mau hmanga thilsiam, hrui leh hnang hmanga thilsiam, 2D painting leh 3D sculpture-ah an intihsiak a, zirlai 25 an tel.
Rangotsav 2023 hawnnaah deputy DPC K. Thantluanga chuan, zirlaiten arts lama talent an neih an tihpun theihnan leh hetiang lama zirlaite fuihphurna atan ruahman a ni tih a sawi a. Tun hi Samagra Shiksha Khawzawl District-in Rangotsav vawi thum an buatsaihna a ni tih a sawi.
Intihsiakah hian category hrang hrangah pakhatna atanga pathumna thleng lawmman siam a nih bakah zirlaite tel zawng zawng hnenah participation prize pek an ni.