Khawzawl Electric Veng PHED Complex-a Mizoram sawrkar hnuaia interlocking polypropylene (PP) tiles hmanga basketball court siam hmasak ber, Khawzawl Basketball Court chu Thawhlehni khan Tuichang bialtu MLA, deputy chief minister Tawnluia’n a hawng.
PP tiles basketball court hi UD&PA department kaltlangin Rs 38,00,000 senga siam a ni a. Khawzawl Basketball Court hi Mizoram sawrkarin outdoor-a PP tile basketball court a siam hmasak ber niin, ground phaha hmanraw hman PP tiles hi FIBA ( International Basketball Federation) pawmpui a ni. PP tiles quality hi a tha ber chi thlan niin, court hi tui tling theilo tura design a ni a. Tile leh cement inkarah tui a tling theih dawn loh avangin infiammite tan harsatna a awm dawn lo a ni.
Deputy chief minister hian Thawhlehni vek khan Khawzawl DC Office sak mek a tlawh a; hnathawktu contractor-te chuan kumin July-a zawh hman an tum thu an lo hrilh. Zaingen Venga DUDO office sak mek leh Mualvawm Field bula futsal ground sakna turte a enfiah nghal bawk.
Khawzawlin PP tiles hmanga siam basketball court nei thar
Get real time updates directly on you device, subscribe now.
Prev Post
Next Post