Khazurthatna
Date an ti a, khajoor an ti bawk, dry fruits-ah chuan nutrition pai hnem ber pawl a ni. He dry fruit hi taksa hriselna atana a that theih dan kan la hre lo mai thei, mithiam te chuan nitin khajoor pum 10 tal ei ziah a tha niin an sawi. Tun tumah hian Times of India health section-in nitin khajoor pum 10 ei ziah thatna ni a an sawi te kan rawn tarlang e.
1. Khajoor hian cholesterol a pai lo va, fat a pai tlem bawk. A thlum avangin dessert atan hman chi tak a ni.
2. Protein a pai tam hle a, protein chu kan taksa siamtha tu leh natna kan dotheihna tichaktu a ni.
3. Vitamin B1, B2, B3 leh B5 a pai a, vitamin A1 leh C a pai bawk. Hei vang hian nitin khajoor pum 10 kan ei chuan kan nikhat vitamin mamawh awlsam takin kan lalut mai dawn a ni.
4. Thahrui rang taka min pe thei a ni a, exercise lak hma leh lak zawh hnua ei atan a tha a, office-ah te pawh han hmawm mai theih tura pai a tha hle.
5. Potassium a pai tam hle a, sodium a pai tlem ve thung. Hei vang hian nervous system tan a tha hle a, stroke risk tihniamtu a nih bakah lung (heart) hriselna atan a tha hle a ni.
6. Iron a pai hnem a, iron tlachham tan ei leh inah khajoor telh a pawimawh. Iron kan talkchham chuan kan zawiin kan lo chak lo thin. Iron chu thisen siamtu a ni bawk.
7. Ek khal avanga buai thin tan khajoor ei a tha.
8. Wineshop an hawng leh ta a, khajoor hi hangover tan a tha hle a ni.
9. Bedroom nupa nun tihchak nan a tha niin an sawi. Khajoor chu kel (goat) hnute tuiah zan khua a chiahin, a tuk zingah bawnghnute chu in tur. Hei hian bedroom nupa nun a tichak thei.
10. Puma acid tam avanga buai thin tan pawh a tha hle. Khajoor hian puma acid insiam nasa tur a veng thei.
Khazurthatna
Get real time updates directly on you device, subscribe now.