Mahmuaka Chhakchhuak
-- Advertisement --
October thla hi Mizorama hun nuam ber leh thla en zual lai ber hun a nih avangin kan pi leh pute chuan he hun hi Khuangchawi hun atan an hmang \hin a, chuvang chuan thla hmingah pawh Khuangchawi Thla an lo ti a ni. Khuangchawi tur hian a te berah sechal pahnih, sepui pakhat leh vawkpa pahnih talh a ngai a. Heng an ran talhte hian awmze hrang \heuh an neih avangin an ngai pawimawh em em \hin a; Vawk pahnih an talh zinga a te zawk chu ‘Puithiam sa’ an vuah a, a dang pakhat chu ‘Sa’ biak nan an ti a. Se chal pahnih chu ‘Khua’ biak nan a ni thung. Sepui chu tlangphal an ti a, mualbuh tura tih a ni a, naupang pual deuh a niin buhchiar loin an chhum a, ruai an siam sak thin. A neite chuan sial \hahnem tham tak an talh bawk \hin a.
Khuangchawi \um hian Sechhun \uma an tih ang thoin sathingzar te, zu tur buh den te, sa thla khung te, thlahhrut te, zuzo hla chham te a tel vek a. Thingfar zana nula leh tlangval tlaivar thaka zaiho te, sumdeng zu siak chhuaha “Nopui’’ hlan te pawh a tel vek a ni. Hetiang hian khuangchawi tura inbuatsaih a ngaih thin avang hian a hautak em em avangin a hma lam thla thum vel a\angin an lo inbuatsaih lawk \hin. Chawngchen leh Sechhun ai pawha ropui zawk a nih avang hian khuangchawi thei ngatte hi chu mi nei nung tak an nih pawh a ngai a ni. (Zoram Encyclopedia 274) Khuangchawi tan niah chuan nula leh tlangval rualin a hma thla thum vel tawha sathing an lo zar tawh chu an phur a, pavalai tlem leh tlangval \henkhatin sial an hling thung. Hnung lam a\angin mipuiin haw haw chungin an zui a, sial chu an vaw zuang tawr tawr \hin. Hemi niah bawk hian pathlawi leh fatu hoin chawngpa in chhe lai an lo siam \hain \hawmmawlte an lo do \ha bawk a. Chung hnathawk ho zawng zawng in tur chuan an farnu upa berin zu a lo hung chhuak a, vawkin ruai an siam bawk \hin.
Zan lamah chuan chawnfang ang bawkin ‘Thingfar Zan’ an hmang leh a, tlangvalho kapkalakah nula an \hu a, chu chu ‘Chawi’ an ti a, ‘Ngai’ an ti bawk. Chutiang chuan an zai tlaivar zak \hin a, farnu upa berin Farzu a rawn hungchhuak lehin sumdeng zu thlum tak, nula leh tlangval chawng buh dengtute puala sak chu an siak bawk \hin. Sum deng zu an siak apianga an tih \hin angin, Val upain tlangval tlawmngai filawr chawimawina ‘Nopui’ a hlan \hin. A tuk chu ‘Puzu Ni’ a ni a, Se chhun ni a ni. Puzu ni a nih ang ngeiin nu leh pa lamah puin zu a hung a, zan lamah pawh tumah hawng loin tlaivar zakin an zai a, zu an inho thin. A ni thum ni chu khuangphuar ni a ni a, ruai ni a ni bawk a, vantlang tan tlang phal sepui ruhkawl leh sechal sa thenkhat chu ruaiah an siam thin bawk. Khuangchawi tur chuan sawhthing zai lep tlem, hmawlha thil tlar chu mi tirin a tawntir a, a puzawnte in banglaiah ava thiat a, chu chu khuangchawi ni a ‘Thingdim’ tura sawmna a ni. A mi tirh chuan ava thiah hma chu a tawng thiang lo a, a thiah zawh chuan a thiahna pa chuan zu a lo zuk a, vawkpui alo talh sak thin.
A ni lina ni chu khuangchawi ni ber a ni a, khaw \henawm a\anga thingdim tura kal tura an chahte rawn kal ni a ni. Thingdim tura kalte chuan puan dum an sin a, khuang leh dar nen, silai leh feipui nen an infam rup \hin. Haituk (Thawlte) in zu an pai \heuh bawk a, val upain hma a hruai a, khaw luh dawn remchangah hlado chhamin silaiin tlang an tlir a, chuveleh khua amite chu hmuak turin zupeng akin an rawn tlan chhuak a, thingdim ho chu vakawl lamin kal pahin an lam dual dual a, an intawh chuan an zu ken chu an intulh a, tuibur an in\heh hut hut bawk a, alo hmuaktute zinga upa deuhte chuan dar lam leh khuangpui lamin hma an hruai a, an hnungah midangte chuan vakawl lam bawkin an zui a, ropui takin khua an lut \hin a ni. Tichuan, Khuangchawi pa chu Thangchhuah pa (In lamah) zawh za zo a lo ni ta a, a duh anga zauin tukverh a hawng thei a, bahzar a siam thei a, vanlung pawh a siam thei ta a. Thangchhuah Puan a sin thei bawk a, Diar \ial leh Vakul chang te, Pasal\ha ral that a nih bawk chuan Chawn leh Vapual chang an tawn kawp thei bawk a ni. Hetianga tawn kawp hi chu an ngai ropui hle thin. (CHHIMTHLI DAILY NEWS Hmanlai PI LEH PUTE KHUANG CHAWI LEH SE CHHUN DAN. https:/www. facebook.com/groups/6511952542490/permalink/902706693669594/?Mibextid=2J Q9oc)
Tunlai hunah erawh hetiang khuangchawi hi awm tawh chiah lo mahsela Khuangchawi thla erawh thla dang zawng aiin ngaihhlut a la ni reng tho a, Mizo thinlungah hian a hlutna hi a la reh tak tak thei chuang lo. Sik leh sa in\henna lamah ngei pawh Fur ruahtuiin hul lam a pan lai leh favang boruak thawt \an chhoh lai vel tak a nih avang hian boruak nawm hun lai tak a ni bawk a. Boruak vawtin min tuam \an a, boruak lum lutuk erawh kiang \an bawkin a chang chuan boruak lum chu kian hreh hmel takin chhun lamah phei chuan a han lum leh viau \hin bawk a, zan lamah pawh puan sin a nuam thin viau tawh a. Favang boruak tak erawh hi chu a hun chhung rei lote ni mahsela Nipui, Thal, Favang leh Thlasikahte hian boruak nawm hunlai ber chu a nih si hi.
He Khuangchawi thla a\ang hian alawm ni alo rei tawh loh avangin Kohhran thenkhatte chuan inkhawm hunbi chu tlemin an sawn hma hret bawk a, Office kai hun bi pawh tih danglam a nih thin kha. Hun bi lam chauh niloin mihring khawsakna lam pawh tihdanglam a ngai bawkin chhungpui nu tan zing nichhuakin a chhun tura thawmhnaw lum lam phochhuah a lo hun tan leh ta. Thlawhhma nei tan pawh a rah seng tura inbuatsaih hun a ni chho bawkin a \hen tan chuan ‘Zem’ kual hun tak pawh a ni a. Nula leh tlangval tan lah he hun hi thing phurh paha loa chawhmeh zawn dun paha hmangaih biahthu inhlanna hun remchan lai tak alo ni bawkin a boruak hi a nuam chho viau zel mai. Sawi leh sawi hnu, zan lam hlei hlei hi a nuam a, bathlarah tingtang kuaha zai nawm hunlai tak a niin zan rei tak tak thleng pawha zai pawh a boruakah chuan a rem viau zel mai. Arkaiden zanah ngat phei chuan pathlawi tan pawh awm mai mai har tak a ni. Lungleng mi tante hlei hlei he hun hi a huphurhawm a, a nuam bawk si a, nunhlui ngaia kur nguai nguai pawh lo awm sela an dem awm hauh loh. Lusun tawhte tante phei chuan mumang lama kan mi ngaih tak tak kaltate hmuh a awl bawk si a, zing kan han tho hi khua a har nghal em em mai zel a ni.
Bazar lamah pawh he hunah hian man tlawm tak takin thawmhnaw lum lam an pho chhuak tanin a bik takin nu ho chuan an bawr laih laih chho tan bawk a, chawhmeh zuar lam tan erawh he hunah hian thlai thar zawrh tur a tam vak tawh lo nain Bawkbawn leh Samtawk ilo te pawh a tam vanglai alo pelh tawh avangin a to deuh hlek tawh bawk a, An\am lam phei chu lei ngam lo tur hiala to a ni tawh \hin. Chuti chung chuan a mihring lam erawh kan zangkhai chho tan viau thung a, nipui khawlumin min up hrehawmna ata kan zalen tan tawh avangin kan ke pen te reng reng pawh a zangkhai viau tanin kan hmel pawh hmuh a nuam sawt viau a. Kawmchhak pa, Pu Tluanga lah hi a khawhar mu reng thei lo hian zing tak takah hian mi hi a rawn au leh luah luah thin a, min auh zin vang nge ni min auh loh tum hi chuan khua a har thei lek lek zawk hial tawh a. Pathian zarah kan dam chuan naktuk zingah pawh min rawn au leh ngei ang a, a auh rin dan ang bawka chhang letin khel loin thingpui senhang ka lo in pui leh ngei ang. Eng anga zing pawh nisela naupang zing tho \ahchhuak pu hmel an awm tawh ngai hauh lohna chhan pawh favang boruak a thawt \an tawh vang hi a ni ngei ang…
Khuangchawi thla kan thleng a, Favang boruak han thaw hi chu a nuam thlawt alawm.
(phek 5-na chhunzawmna…)
zan lamah pawh puan sin a nuam thin viau tawh a. Favang boruak tak erawh hi chu a hun chhung rei lote ni mahsela Nipui, Thal, Favang leh Thlasikahte hian boruak nawm hunlai ber chu a nih si hi.
He Khuangchawi thla a\ang hian alawm ni alo rei tawh loh avangin Kohhran thenkhatte chuan inkhawm hunbi chu tlemin an sawn hma hret bawk a, Office kai hun bi pawh tih danglam a nih thin kha. Hun bi lam chauh niloin mihring khawsakna lam pawh tihdanglam a ngai bawkin chhungpui nu tan zing nichhuakin a chhun tura thawmhnaw lum lam phochhuah a lo hun tan leh ta. Thlawhhma nei tan pawh a rah seng tura inbuatsaih hun a ni chho bawkin a \hen tan chuan ‘Zem’ kual hun tak pawh a ni a. Nula leh tlangval tan lah he hun hi thing phurh paha loa chawhmeh zawn dun paha hmangaih biahthu inhlanna hun remchan lai tak alo ni bawkin a boruak hi a nuam chho viau zel mai. Sawi leh sawi hnu, zan lam hlei hlei hi a nuam a, bathlarah tingtang kuaha zai nawm hunlai tak a niin zan rei tak tak thleng pawha zai pawh a boruakah chuan a rem viau zel mai. Arkaiden zanah ngat phei chuan pathlawi tan pawh awm mai mai har tak a ni. Lungleng mi tante hlei hlei he hun hi a huphurhawm a, a nuam bawk si a, nunhlui ngaia kur nguai nguai pawh lo awm sela an dem awm hauh loh. Lusun tawhte tante phei chuan mumang lama kan mi ngaih tak tak kaltate hmuh a awl bawk si a, zing kan han tho hi khua a har nghal em em mai zel a ni.
Bazar lamah pawh he hunah hian man tlawm tak takin thawmhnaw lum lam an pho chhuak tanin a bik takin nu ho chuan an bawr laih laih chho tan bawk a, chawhmeh zuar lam tan erawh he hunah hian thlai thar zawrh tur a tam vak tawh lo nain Bawkbawn leh Samtawk ilo te pawh a tam vanglai alo pelh tawh avangin a to deuh hlek tawh bawk a, An\am lam phei chu lei ngam lo tur hiala to a ni tawh \hin. Chuti chung chuan a mihring lam erawh kan zangkhai chho tan viau thung a, nipui khawlumin min up hrehawmna ata kan zalen tan tawh avangin kan ke pen te reng reng pawh a zangkhai viau tanin kan hmel pawh hmuh a nuam sawt viau a. Kawmchhak pa, Pu Tluanga lah hi a khawhar mu reng thei lo hian zing tak takah hian mi hi a rawn au leh luah luah thin a, min auh zin vang nge ni min auh loh tum hi chuan khua a har thei lek lek zawk hial tawh a. Pathian zarah kan dam chuan naktuk zingah pawh min rawn au leh ngei ang a, a auh rin dan ang bawka chhang letin khel loin thingpui senhang ka lo in pui leh ngei ang. Eng anga zing pawh nisela naupang zing tho \ahchhuak pu hmel an awm tawh ngai hauh lohna chhan pawh favang boruak a thawt \an tawh vang hi a ni ngei ang…
Khuangchawi thla kan thleng a, Favang boruak han thaw hi chu a nuam thlawt alawm.