US President Joe Biden chuan thlipui na tak Hurricane Helene an ramchhunga thleng chu khuarelna chhiatna liau liau a ni a, tu pumpelh theih mah a ni lo. Sik leh sa inthlak danglam nasat vanga khuarel thil tam tak hi thleng a ni a, indem bik tur kan awm lo, a ti.
Biden chuan sik leh sa inthlak danglam hi khawvelin kan tuar nasa tawh em em a, a chhunga mihring chengten hmasawnna thil nia ka hriat kan tih nasat tawh vang a ni, tiin; tuna thlipui sulhnu an tuar pawh hi climate danglam nasat lutuk vang pakhat a ni, a ti bawk.
Politics zawnga lak chi a ni lo tia sawi bawkin, Biden chuan kan vaiin American mipui kan ni vek a, Democrats leh Republicans te chunga thleng leh tuartir bik a ni lo. Tanpuina leh chhanchhuah hna zawng zawng pawh a theih anga rangin kan tizawm zel ang a ti a. Kan tanrual chuan theih loh a awm lo, American mipui kan ni a, America tan kan theihtawp kan chhuah zel ang, chhanchhuah ngai leh dawmkan ngai zawng zawng chu kan theihtawpin kan tanpui zel bawk ang, a ti bawk.
US vice president Kamala Harris pawhin Helene in a nuai natna hmun thenkhat hi a tlawh tawh bawk a, chhiatna tuarte thlamuanin, US chuan a theihtawpa a tanpui zel dawn thu leh, tawrhna nasa tak atang hian kan inpumkhatna nghet zual rawh se, a ti.
Joe Biden hian nimin khan hurricane in a nuai natna bial Georgia leh Florida hi a tlawh a, an tawrhna dinhmun a enfiah a ni.
Khuarel chhiatna liau liau a ni : Joe Biden
Get real time updates directly on you device, subscribe now.